آپ آف لائن ہیں
پیر12؍شعبان المعظم 1441ھ 6؍اپریل 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کورونا کے خدشے کے پیش نظر متعدد اقدامات کیے ہیں، وزیراعلیٰ بلوچستان

وزیرِ اعلیٰ بلوچستان جام کمال نے کہا کہ گذشتہ 3 روز سے حکومت نے کورونا وائرس کے خدشے کے پیش نظر متعدد اقدامات کیے ہیں۔

وزیر اعلیٰ سیکرٹریٹ میں شجرکاری مہم کے بعد میڈیا کے نمائندوں سے بات چیت کرتے ہوئے وزیر اعلیٰ کا کہنا تھا کہ کورونا وائرس سے بچنے کے لیے جو احتیاطی تدا بیر ممکن ہیں اختیار کی جا رہی ہیں۔

ان کا کہنا تھا کہ یہ ایک بڑا چیلنج ہے، جو حکومت کے اکیلے کے بس کا کام نہیں ہے کیونکہ وائرس انسانوں سے منتقل ہورہا ہے۔

وزیراعلیٰ کا کہنا تھا کہ ہم نے تفتان بارڈر کو ہر قسم کی آمدورفت کیلئے بند کردیا ہے، محکمہ صحت کی ٹیمیں وہاں پہنچا دی گئی ہیں اور تمام ضروری اقدامات اٹھائے گئے ہیں کہ اس وائرس کے پھیلاؤ سے جس حد تک ممکن ہو بچا جائے۔

وزیر اعلیٰ بلوچستان جام کمال خان نے کہا کہ پاک ایران سرحدی علاقے تفتان پر کورونا وائرس سے متعلق احتیاطی تدابیر اختیار کر لی ہیں، یہ ناگہانی آفت ہے جس سے ملک بھر میں رہنے والوں کو مشترکہ طور پر نمنٹنا ہوگا۔

قومی خبریں سے مزید