گوجرانوالہ میں 24 گھنٹوں میں 2 بچے اغواء

پنجاب کے شہر گوجرانوالہ میں 24 گھنٹوں کے دوران مختلف واقعات میں 2 بچوں کو اغواء کر لیا گیا۔

3 سالہ ولید کو گھر کے باہر سے جبکہ 12 سالہ منیب کو اسکول جاتے ہوئے نامعلوم ملزمان نے اغواء کیا۔

لاہور: بچوں کو اغواء کرنیوالے لیڈیز گینگ کی 2 خواتین گرفتار

گروہ کی سرغنہ اللّٰہ معافی عرف سونیا عرف جگو لڑکوں کے بھیس میں بچے اغواء کرتی تھی۔

گوجرانوالہ کے علاقے سیٹلائٹ ٹاؤن کا رہائشی 12 سالہ منیب گھر سے اسکول جا رہا تھاکہ راستے میں نامعلوم افراد نے اسے اغواء کر لیا۔

دوسرے واقعے میں واہنڈو میں 3 سالہ ولید کو گھر سے باہر گلی میں کھیلتے ہوئے اغواء کر لیا گیا۔

 یہ بھی پڑھیئے: طالبعلم کا والدین سے رقم ہتھیانے کیلئے اغوا کا ڈرامہ

مغوی بچوں کے ورثاء کی رپورٹ پر پولیس نے واقعات کے الگ الگ مقدمات درج کر لیے ہیں۔

پولیس کا کہنا ہے کہ بچوں کی بازیابی کے لیے تمام پہلوؤں سے تحقیقات کی جا رہی ہیں، مغوی بچوں کو جلد بازیاب کر وا لیا جائے گا۔