فیصل واوڈا کو دوبارہ نوٹس جاری

سندھ ہائیکورٹ نے وفاقی وزیر برائے آبی وسائل فیصل واوڈا کو دہری شہریت سے متعلق کیس کی سماعت پر پیش نہ ہونے پر دوبارہ نوٹس جاری کردیا۔

فیصل واوڈا کی دہری شہریت سے متعلق کیس کی سماعت پر درخواست گزار قادر خان مندوخیل اور الیکشن کمیشن کے وکیل عدالت میں پیش ہوئے تاہم وفاقی وزیر پھر پیش نہیں ہوئے۔

اس موقع پر احاطہ عدالت میں عدالت کے پیش کار کی جانب سے فیصل واوڈا کی پیشی کیلئے آوازیں بھی لگائی گئیں۔

دہری شہریت چھپانے کا کیس، فیصل واوڈا کو نوٹس جاری

وفاقی وزیر آبی وسائل فیصل واوڈا کو دہری شہریت...

کیس کے دوران سماعت الیکشن کمیشن کے وکیل نے کہا کہ فیصل واوڈا کے خلاف الیکشن کمیشن میں بھی درخواست دائر ہے جس کی 10 مارچ کو سماعت ہے۔

عدالت نے ریمارکس دیئے کہ ہو سکتا ہے اس دوران الیکشن کمیشن کا فیصلہ آ جائے۔

عدالت نے وفاقی وزیر فیصل واوڈا کو پیشی کے لئے دوبارہ نوٹس جاری کرتے ہوئے سماعت غیر معینہ مدت تک ملتوی کردی۔