فرمان الہی
نماز کے اوقات
پاکستان نمبر ون بیڈ منٹن پلئیر ماحور شہزاد کی کامیابیوں کا سفر جاری ہے، انہوں نے ایک اور سنگ میل عبو کرتے ہوئے بیڈ منٹن کی نئی عالمی رینکنگ میں ٹاپ 140 میں شامل ہونے کا اعزاز اپنے نام کر لیا ہے۔
ماحور شہزاد کے کیریئر کی بہترین عالمی رینکنگ ہی نہیں ہے بلکہ وہ ٹاپ 140 میں آنے والی پاکستان کی پہلی خاتون بیڈ منٹن کھلاڑی ہیں، ماہور شہزاد عالمی رینکنگ میں 138 نمبر پر آگئی ہیں، اس سے قبل ماحور شہزاد نے عالمی رینکنگ میں بہترین پوزیشن 149 نمبر کے ساتھ حاصل کی۔
ماہور شہزاد کی گزشتہ چند میں میں بیڈ منٹن میں پرفارمنس اچھی رہی ہے یہی وجہ ہے کہ وہ اب 213 نمبر سے 138نمبر پر آگئی ہیں، ماحور شہزاد کہتی ہیں کہ ٹاپ 140 میں آنا ان کے لیئے اعزاز کی بات ہے، وہ کارکردگی میں تسلسل کو برقرار رکھنے کے لیے کوشاں ہیں۔
ماحور شہزاد کا کہنا ہے کہ پاکستان کے لیے مزید اعزازات حاصل کرنا چاہتی ہوں، ماحور شہزاد نے بتایا کہ اگلا ہدف رینکنگ میں ٹاپ 100 میں آنا ہے اور مجھے یقین ہے کہ میں اپنا ہدف حاصل کرنے میں کامیاب ہو جاؤں گی۔
ماحور شہزاد کو حال ہی میں بیڈ منٹن ایشیا نے ایشیا اولمپک پراجیکٹ میں شامل کیا ہے، انہیں مسلسل تیسرے برس پراجیکٹ میں شامل کیا گیا ہے، وہ ایک بار پھر پراجیکٹ میں شامل ایشیا کی بیس کھلاڑیوں میں شامل واحد پاکستان کی خاتون کھلاڑی ہیں، اس پراجیکٹ کے تحت انہیں تین انٹر نیشنل ٹورنامنٹس میں شرکت کا موقع ملے گا اورٹریننگ پروگرامز بھی ملیں گے۔
انہوں نے کچھ روز قبل پاکستان کی سابق نمبر ون پلوشہ بشیر کے ساتھ مل کر کینیا انٹر نیشنل بیڈ منٹن سیریز میں سلور میڈل جیتا، انہیں فائنل میں شکست کا سامنا کرنا پڑا تھا۔
اس ایونٹ کے بعد ڈبلز میں رینکنگ 149نمبر پر پہنچ گئی ہیں جو ان کے کیرئیر کی بہترین ڈبلز رینکنگ ہے۔
ماحور شہزاد نے سنگلز ایونٹ کا کوارٹر فائنل کھیلنے کا بھی اعزاز حاصل کیا ہے، یوگنڈا انٹر نیشنل بیڈ منٹن ٹورنامنٹ میں ماحور شہزاد اور پلوشہ بشیر نے ڈبلز ایونٹ میں برانز میڈل جیتا۔
