آپ آف لائن ہیں
منگل6؍شعبان المعظم 1441ھ 31؍مارچ 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

محمد شرف الدین ساحل

پیارے بچو تم ایک کام کرو

اپنی نیکی سے پیدا نام کرو

با ادب با نصیب ہوتا ہے

تم بزرگوں کا احترام کرو

بے ادب بے نصیب ہوتا ہے

اس لیے سب کو تم سلام کرو

تم سے ناراض ہو اگر کوئی

اپنی باتوں سے اس کو رام کرو

اپنے دشمن سے خود گلے مل کر

سارے شکوے گلے تمام کرو

جس کسی سے ملو تو ہنس کے ملو

نرم لہجے میں پھر کلام کرو

راہ میں جب ملے کوئی مجبور

چھوڑ کر اپنا اس کا کام کرو

بیٹھنے سے جہاں ملے نیکی

ایسی مجلس کا اہتمام کرو

خوب محنت کرو پڑھائی میں

بس یہی کام صبح و شام کرو

اپنے کردار کے سہارے تم

علم کا شوق سب میں عام کرو

علم ہی لا زوال دولت ہے

مشتہر بس یہی پیام کرو