• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خلا میں پیشاب کو پینے کے صاف اور شفاف پانی میں تبدیل کرنے والی جدید مشین تیار

آج کا اخبار
اہم خبریں
12 مارچ ، 2020
کراچی (نیوز ڈیسک) خلا میں پینے کا پانی بہت نایاب ہے اور خلابازوں کیلئے زمین سے پانی لیجانا آسان نہیں۔ یہی وجہ ہے کہ بین الاقوامی خلائی اسٹیشن (آئی ایس ایس) پر موجود خلابازوں کو جدید ٹیکنالوجی استعمال کرتے ہوئے پسینے حتیٰ کہ پیشاب کو پینے کے پانی میں تبدیل کرنا پڑتا ہے۔ ایک ایسے موقع پر جب امریکا 2024ء میں چاند پر ایک مرتبہ پھر اپنا قدم رکھنے کیلئے پر تول رہا ہے، ناسا دن رات محنت کرکے اپنا سسٹم جدید ترین بنانے کی کوششوں میں مصروف ہے۔ اسی کوشش کے تحت ناسا آئی ایس ایس پر پانی کی ریکوری کے جدید نظام پر کام کر رہا ہے جس میں پیشاب کو پینے کے پانی میں تبدیل کرنے پر تجربات کیے جا رہے ہیں۔ انوائرمنٹل کنٹرول اینڈ لائف سپورٹ سسٹم (ای سی ایل ایس ایس) کی پروجیکٹ مینیجر جینیفر پروٹ کہتی ہیں کہ گزشتہ 12؍ برس کے آربیٹل آپریشن میں ہم نے جو بات سیکھی ہے وہ یہ ہے کہ خلا میں موجود ہارڈ ویئر پائیدار نہیں ہے، اسی سبق کو ذہن میں رکھتے ہوئے ہم نے یورین ڈسٹیلیشن اسمبلی تیار کی ہے جو سابقہ مشین کے مقابلے میں زیادہ پائیدار ہے اور اسے چاند، مریخ یا اس سے بھی آگے کے مشن کیلئے لیجایا جا سکتا ہے۔
تازہ ترین