کراچی کے علاقے شاہ لطیف ٹاؤن کی حدود میں آپس کے جھگڑے میں ڈنڈے اور کلہاڑی کے وار سے 17 افراد زخمی ہو گئے، جبکہ سچل میں پولیس نے 3 رکنی ڈکیت گروہ رنگے ہاتھ گرفتار کرلیا
شاہ لطیف کے علاقے رزاق آباد پولیس ٹریننگ سینٹر کے قریب جھگڑے میں 17 افراد زخمی ہوگئے، زخمیوں کو اپنی مدد آپ کے تحت جناح اسپتال منتقل کیا گیا۔
ذرائع کے مطابق جھگڑے میں کلہاڑی ، ڈنڈوں ، گھونسوں اور لاتوں کا آزادانہ استعمال کیا گیا زخمی ہونے والوں میں ایمان اللہ ، مور قادر، مختار، پرویز، دلبر، جانی حیدر اور حمید اللہ سمیت دیگر شامل ہیں جبکہ علاقہ پولیس واقعےسے لاعلم ہی رہی۔
دوسری جانب سچل میں پولیس نے 3 رکنی ڈکیت گروہ رنگے ہاتھ گرفتار کرلیا، ملزمان شہری سے نقدی اور موبائل فون چھین کر فرار ہو رہے تھے ۔
اس موقع پر شہری کی بروقت اطلاع پر پولیس نے ملزمان کو گرفتار کیا، ملزمان کے قبضے سے مسروقہ سامان 2 پستول اور موٹر سائیکلیں برآمد کرلی گئیں ، ملزمان کے خلاف مزید تفتیش کا آغاز کر دیا گیا ہے۔