فرمان الہی
نماز کے اوقات
سکھر میں جماعت اسلامی کی فلاحی تنظیم الخدمت فاونڈیشن کی جانب سے جراثیم کش اسپرے کرنے پر ضلعی انتظامیہ نے ان کے ساتھ اظہار تشکر کیا۔
الخدمت کے رضاکاروں نے ضلعی حکومت کی اپیل پر کورونا سے انتقال کر جانے والی خاتون کے خاندانوں کے گھروں میں جراثیم کش اسپرے کیے۔
فلاحی تنظیم نے اپنا دائرہ کار بڑھاتے ہوئے قبرستان میں بھی جراثیم کش اسپرے کیا۔
سکھر میں گزشتہ رات کورونا سے اچانک خاتون کے انتقال کے بعد متاثرہ خاندان کے گھر اور قبرستان کو جراثیم سے پاک کرنے کے لیے حکومت کے پاس افراد اور وسائل موجود نہ ہونے کے باعث الخدمت فاؤنڈیشن سے رات گئے رابطہ کرنا پڑا۔
الخدمت کے ایک درجن سے زائد رضاکاروں نے فوری طور پر موقع پر پہنچ کر جراثیم کش اسپرے کیا۔
ڈپٹی کمشنر سکھر رانا عدیل اور ڈسٹرکٹ ہیلتھ آفیسر نے مدد کرنے پر الخدمت کے ذمہ داران اور رضاکاروں کا شکریہ ادا کیا۔
سرپرست الخدمت فاؤنڈیشن سکھر زبیر حفیظ نے بھی بلاخوف بروقت کارروائی کرنے پر رضاکاروں کو سراہا۔
