فرمان الہی
نماز کے اوقات
وزیر اعظم کے ترجمان شہباز گل کا کہنا ہے کہ ڈاکٹرز سیاست کر رہے ہیں، انہوں نے پریس کانفرنس پیپلز پارٹی کے کہنے پر کی ہے۔
شہباز گِل نے کہا کہ لاک ڈاؤن سخت کرنے کا مطالبہ کرنے والے ڈاکٹرز سیاست کر رہے ہیں۔
انہوں نے کہا کہ ڈاکٹرز نے یہ پریس کانفرنس پیپلز پارٹی کے کہنے پر کی ہے، ان سے یہ پریس کانفرنس کرائی گئی ہے۔
واضح رہے کہ ڈاکٹرز نے ملک بھر میں سخت لاک ڈاؤن کا مطالبہ کردیا۔
ڈاکٹرز نے کراچی میں پریس کانفرنس کے دوران کہا کہ ہمارا صحت کا نظام بہت کمزور ہے، اگر مریضوں کی تعداد بڑھی تو مشکلات میں اضافہ ہوگا، علما سے ہاتھ جوڑ کر اپیل کرتے ہیں کہ اپنے فیصلے پر نظرثانی کریں۔
ڈاکٹرز کا کہنا ہے کہ ہمیں نہیں معلوم کہ پاکستان میں ایک ماہ میں بھوک سے کتنے لوگ مرے، لیکن یہ ضرور پتہ ہے کہ کورونا سے 200 سے زائد افراد جان کی بازی ہار چکے ہیں۔
ڈاکٹروں نے کہا ہے کہ کورونا وائرس پر حکمرانوں نے غلط فیصلے کیے اور علما نے غیر سنجیدگی کا مظاہرہ کیا۔
کراچی پریس کلب میں میڈیا بریفنگ کے دوران ڈاکٹر عبدالباری، ڈاکٹر سعد نیاز، ڈاکٹر صدیقی اور ڈاکٹر قیصر سجاد نے اظہار خیال کیا۔
