آپ آف لائن ہیں
جمعہ18؍ذیقعد 1441ھ 10؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ائیربس کا پی آئی اے طیارے میں کوئی نقص نہ ہونے کا عندیہ

ایٗربس کا پی آئی اے طیارے میں کوئی نقص نہ ہونے کا عندیہ 


کراچی (اسٹاف رپورٹر)طیارہ حادثہ ، ائیربس کمپنی نے ابتدائی تحقیقات کے بعد طیارے کو درست قرار دیتے ہوئے اس میں کسی نقص کے نہ ہونے کا عندیہ دے دیا ، تفصیلات کے مطابق ائیربس کمپنی نے ائر بس استعمال کرنے والی تمام فضائی کمپنیوں کو ایک مکتوب بھیجا ہے۔

جس میں کہا گیا ہے کراچی میں پی آئی اے کے تباہ ہونے والے طیارے A320 کی تحقیقات جاری ہیں ۔ تاہم ائیربس طیارے استعمال کرنے والی فضائی کمپنیوں کے لیے تحقیقات کے ابتدائی مرحلے میں کوئی خاص حفاظتی سفارشات نہیں ہیں ۔

ائیربس کمپنی کے چیف پروڈکٹ سیفٹی آفیسریانک مالینج نے ائر بس استعمال کرنے والی تمام فضائی کمپنیوں کے نام اپنے مکتوب میں کہا ہے کہ فلا ئٹ ڈیٹا ریکارڈر اور کاک پٹ وائس ریکارڈر کا تجزیہ کیا جا رہا ہے۔

جس سے اہم معلومات ملی ہیں تاہم حادثے کی جگہ کے معائنے ، ائرٹریفک کنٹرولر کے ریکارڈ ، فلائٹ ڈیٹا ریکارڈر اور کاک پٹ وائس ریکارڈر کے ابتدائی تجزیے کی روشنی میں کمپنی ائیربس طیارے استعمال کرنے والی فضائی کمپنیوں کے لیے تحقیقات کے اس مرحلے میں کسی حفاظتی اقدام کی کمپنی کوئی سفارش نہیں کرتی ۔

اہم خبریں سے مزید