خواجہ آصف آج نیب میں پیش نہ ہوئے

مسلم لیگ نون کے رہنما اور سابق وفاقی وزیر خواجہ آصف قومی احتساب بیورو (نیب) کے دفتر میں آج پیش نہیں ہو سکے۔

نیب لاہور نے خواجہ آصف کو اگلے مہینے 3 جولائی کو دوبارہ طلب کر لیا ہے۔

خواجہ آصف کے وکیل نجم الحسن نے لاہور میں نیب آفس کے باہر میڈیا سے بات چیت کرتے ہوئے بتایا کہ خواجہ آصف کی طرف سے نیب کو درخواست دی گئی ہے۔

خواجہ آصف کا طلبی نوٹس نیب نیازی گٹھ جوڑ کی مثال ہے،شہباز شریف

مسلم لیگ نون کے صدر محمد شہباز شریف نے سینئر لیگی رہنما خواجہ آصف کی نیب میں طلبی کے نوٹس کو نیب نیازی گٹھ جوڑ کی مثال قرار دیا ہے اور کہا ہے کہ سیاسی انتقامی کارروائیوں سے حکومت کی نااہلیاں اور ناکامیاں چھپ نہیں سکتیں۔

انہوں نے بتایا کہ خواجہ آصف بجٹ اجلاس میں شریک ہیں، اس لیے وہ پیش نہیں ہو سکتے، جو سوالات تھے ان کے جواب دیں گے۔

نجم الحسن ایڈووکیٹ نے یہ بھی کہا کہ ہاؤسنگ سوسائٹی میں خواجہ آصف کا بیٹا شیئر ہولڈر ہے، اسی حوالے سے نیب کی جانب سے پوچھا گیا ہے۔

یہ بھی پڑھیئے: نیب نے خواجہ آصف کو طلب کرلیا

واضح رہے کہ نیب لاہور نے خواجہ آصف کو سیالکوٹ میں ہاؤسنگ سوسائٹی کی زمین کے معاملے میں طلب کیا تھا۔

نیب کی جانب سےخواجہ آصف کو ہاؤسنگ سوسائٹی کا ریکارڈ بھی ساتھ لانے کی ہدایت کی گئی تھی۔