آپ آف لائن ہیں
بدھ16؍ربیع الثانی 1442ھ2؍دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پی ایس ایکس حملے میں استعمال کی گئی گاڑی کی دستاویزات جیونیوز نے حاصل کرلی


پاکستان اسٹاک ایکسچینج کی عمارت پر ہونے والے حملے میں استعمال کی گئی گاڑی کی خرید و فروخت کی دستاویزات جیونیوز نے حاصل کرلی۔

حملے میں استعما ل ہونے والی گاڑی ہلاک دہشت گرد نے اپنے نام پر کچھ عرصہ قبل کراچی سے ہی خریدی تھی۔

گاڑی کارساز کے قریب شاہراہ فیصل پر واقع شو روم سے خریدی گئی، شو روم پر سیکنڈ ہینڈ گاڑیوں کی خرید و فروخت ہوتی ہے۔

گاڑی کے کاغذات پر دہشت گرد کی ولدیت اور پتہ بھی درج ہے۔

حملہ ناکام، 4 دہشتگرد ہلاک

پاکستان اسٹاک ایکسچینج پر دہشت گروں کا حملہ ناکام بنا دیا گیا سیکیورٹی فورسز نے 4 دہشت گروں کو ہلاک کردیا ہے، فائرنگ کے تبادلے میں پولیس اہلکار سمیت 4 سیکیورٹی گارڈ بھی جاں بحق ہوئے ہیں۔

ترجمان سندھ رینجرز کے مطابق حملےمیں ملو ث تمام دہشت گردوں کو ہلاک کر دیا گیا ہے ،جبکہ کلیئرنس آپریشن جاری ہے، بی ڈی ایس کے عملے کو طلب کرلیا گیا ہے۔

پولیس کے مطابق پیر کی صبح 10 بجے کے قریب 4 دہشتگردوں نے پہلے اسٹاک ایکسچینج کے گیٹ پر دستی بم حملہ کیا اور پھر اندھا دھند فائرنگ کی۔

ڈی آئی جی ساوتھ کا کہناہے کہ دہشت گرد جس گاڑی میں آئے تھے اسے بھی قبضے میں لے لیا گیا ہے، پولیس حکام کے مطابق دہشت گردوں کی فائرنگ سے 2 افراد بھی جاں بحق ہوئے ہیں۔

ذرائع کے مطابق دہشت گروں کی جانب سے پاکستان اسٹاک ایکسچینج پر جدید اسلحہ اور دستی بموں سے حملہ کیا تھا۔

ایس ایس پی سٹی مقدس حیدر کا کہنا ہے کہ فائرنگ سے پولیس اہلکار اور 4 سیکیورٹی گارڈ جاں بحق ہوئے ہیں ، جبکہ سول اسپتال میں 7 زخمیوں کو منتقل کیا گیا ہے۔

قومی خبریں سے مزید