ملتان: اسپتال میں بچے کے انتقال پر لواحقین کا ڈاکٹرز پر تشدد

30 جون ، 2020

جنوبی پنجاب کے بڑے شہر ملتان میں واقع چلڈرن کمپلیکس اسپتال میں ایک بچے کے انتقال کر جانے پر اس کے لواحقین نے ڈاکٹرز کو مبینہ طور پر تشدد کا نشانہ بنایا ہے۔

اسپتال ذرائع کے مطابق متوفی بچے کے لواحقین کے تشدد سے چلڈرن کمپلیکس اسپتال کا ایک ڈاکٹر زخمی ہو گیا۔

اسپتال ذرائع نے بتایا ہے کہ 10 سال کا بچہ چھت سے گر کر زخمی ہوا اور اسے اسپتال لایا گیا تھا، تاہم اسپتال پہنچنے کے ایک گھنٹے بعد بچہ انتقال کر گیا تھا۔

دوسری جانب ملتان بھر کے ڈاکٹرز نے ڈاکٹروں پر تشدد کے اس واقعے کے خلاف احتجاج کرتے ہوئے انتظامیہ سے نوٹس لینے کا مطالبہ کر دیا۔

یہ بھی پڑھیئے:۔

کرچی میں ڈاکٹروں پر تشدد اور توڑ پھوڑ کی مذمت کرتے ہیں، پیما

احتجاج کرنے والے ڈاکٹروں کا یہ بھی کہنا ہے کہ ڈاکٹرز کے تحفظ کو یقینی نہ بنایا گیا تو اسپتالوں میں ہڑتال کی کال دیں گے۔

تازہ ترین