آپ آف لائن ہیں
ہفتہ12؍ذیقعد 1441ھ4؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا کیخلاف فرنٹ لائن پر لڑنے والے ڈاکٹرز تنخواہوں سے محروم

عالمی وبا کورونا وائرس کے خلاف فرنٹ لائن پر لڑنے والے 1200 ایڈہاک ڈاکٹرز تنخواؤں سے محروم ہیں۔

چیئرمین پراونشل ڈاکٹرز ایسوسی ایشن کا اپنے ایک بیان میں کہنا ہے کہ اسناد کی بروقت تصدیق نہ کرنے کا خمیازہ ڈاکٹرز بھگت رہے ہیں، تنخواہیں نہ ملنے کے سبب مالی مشکلات سے دوچار ہیں۔

پراونشل ڈاکٹرز ایسوسی ایشن کے مطابق 15 دن کے بجائے 3 ماہ میں بھی اسناد کی تصدیق نہ ہو سکی جبکہ محکمہ صحت اسنادکی آن لائن تصدیق بھی کر سکتا ہے۔

انہوں نے کہا کہ وزیر اعلیٰ خیبر پختنخوا ڈاکٹرز کو تنخواہوں کی عدم ادائیگی کا نوٹس لیں اور صوبائی حکومت تمام ڈاکٹرز کی تنخواہیں جاری کرے۔ 

قومی خبریں سے مزید