کراچی: سائٹ سپر ہائی وے میں پولیس مقابلہ، زخمی ڈکیت گرفتار

کراچی کے علاقے سائٹ سپر ہائی وے میں پولیس مقابلہ ہوا ہے جس کے نتیجے میں ایک ڈکیت زخمی حالت میں گرفتار ہوا ہے جبکہ دوسرا فرار ہونے میں کامیاب ہو گیا۔

ڈی ایس پی سہراب گوٹھ سہیل فیض کے مطابق ملزمان سپر ہائی وے فیکٹری ایریا میں واردات کر رہے تھے کہ پولیس اطلاع ملنے پر جائے واردات پر پہنچ گئی۔

ڈیفنس، بنگلے میں ڈکیتی کے دوران مقابلے میں ایک پولیس اہلکار زخمی، 4 ملزمان گرفتار

کراچی (اسٹاف رپورٹر) ڈیفنس میں بنگلے میں ڈکیتی کرنے...

پولیس کے پہنچتے ہیں ملزمان نے اس پر فائرنگ کر دی، جوابی فائرنگ کے نتیجے میں ایک ملزم زخمی ہو گیا جبکہ اس کا ساتھی فائرنگ کرتے ہوئے فرار ہونے میں کامیاب ہو گیا۔

زخمی ملزم کو پولیس نے گرفتار کر کے اسپتال منتقل کر دیا ہے جہاں اسے طبی امداد دی جا رہی ہے۔

یہ بھی پڑھیئے:۔

کراچی میں فائرنگ سے ڈاکو زخمی، پتوکی میں 3 ڈکیت گرفتار

ڈی ایس پی سہراب گوٹھ سہیل فیض کا کہنا ہے کہ زخمی ملزم کے قبضے سے موٹر سائیکل اور اسلحہ برآمد ہوا ہے۔

انہوں نے یہ بھی بتایا کہ یہ دونوں ملزمان کافی عرصے سے اس علاقے میں لوٹ مار کی وارداتیں کر رہے تھے، پولیس ان کے جرائم کی تفصیلات جمع کر رہی ہے۔