مظفر گڑھ: کورونا SOPs کی خلاف ورزی ، دولہا سمیت 8 گرفتار

جنوبی پنجاب کے شہر مظفر گڑھ میں کورونا وائرس کی ایس او پیز کی خلاف ورزی پر پولیس نے شادی کی تقریب پر چھاپہ مار کر دولہا اور اس کے بھائی سمیت 8 افراد کو گرفتار کر لیا۔

کراچی میں شادی کی تقریب پر پولیس کا چھاپہ، دولہا گرفتار

پولیس کا کہنا ہے کہ لاک ڈاؤن کے دوران دفعہ 144 کی خلاف ورزی پر کارروائی کی گئی۔

مظفر گڑھ کے علاقے کوٹ ادو، چوک سرور شہید میں کورونا وائرس کی ایس او پیز کی خلاف ورزی کرتے ہوئے شادی کے موقع پر رقص کی تقریب منعقد ہوئی۔

تقریب میں رقص کے علاوہ آتش بازی کا بھی مظاہرہ کیا گیا۔

یہ بھی پڑھیئے: لاک ڈاؤن کے دوران شادی، دولہا دلہن گرفتار

پولیس نے تقریب پر چھاپہ مار کر دولہا اور اس کے بھائی سمیت 8 افراد کو گرفتار کر لیا گیا۔

تھانہ سرور شہید میں دولہا سمیت 10 افراد کے خلاف مقدمہ درج کر لیا گیا ہے۔