حارث رؤف کی جگہ محمد عامر کو انگلینڈ بھیجنے کا فیصلہ

20 جولائی ، 2020

فاسٹ بولر حارث رؤف کا کورونا ٹیسٹ بار بار مثبت آنے کے بعد محمد عامر کو انگلینڈ بھیجنے کا فیصلہ کیا گیا ہے، انگلینڈ روانگی کے لیے انتظامات شروع کردیے گئے۔ جبکہ پہلا کوویڈ 19 ٹیسٹ بھی ہو گیا۔

بھارت میں عائد سفری پابندیوں کی وجہ سے شعیب ملک کی انگلینڈ روانگی تاخیر کا شکار ہے۔

یہ بھی پڑھیے: ورلڈکپ ٹی ٹوئنٹی 2020 ملتوی کردیا گیا

ہیڈ کوچ مصباح الحق کا کہنا ہے کہ حارث رؤف کابار بار کورونا ٹیسٹ مثبت آنا مایوس کن ہے۔

فاسٹ بولر محمد عامر نے بچی کی پیدائش کی وجہ سے دورہ انگلینڈ سے معذرت کی تھی۔

قومی کرکٹ ٹیم کے ہیڈ کوچ مصباح الحق کا کہنا تھا کہ محمد عامر وائٹ بال کرکٹ کے تجربہ کار بولر ہیں، کپتان سے مشاورت کے بعد اُن کی شمولیت کا فیصلہ کیا گیا، محمد عامر کے ٹیم کو جوائن کرنے کے بعد وکٹ کیپر بیٹسمین روحیل نذیر کو ریلیز کر دیا جائے گا۔

مصباح الحق کا کہنا تھا کہ 31 جولائی کے بعد شعیب ملک بھارت جائیں گے، فیملی کے ساتھ وقت گزارنے کے بعد ہی وہ ٹیم کو جوائن کریں گے، کوشش یہی ہے کہ شعیب ملک انگلینڈ آئیں تو انہیں دو ہفتے کی ٹریننگ ملے۔

ہیڈ کوچ نے بتایا کہ اسکواڈ بڑا ہونے کی وجہ سے پاکستان سے ایک اور مساجر عمران کو بھی بلایا جا رہا ہے۔

تازہ ترین