فرمان الہی
نماز کے اوقات
وزیرِ اطلاعات پنجاب فیاض الحسن چوہان کہتے ہیں کہ شہباز شریف نے بلاول زرداری کو ٹکا سا جواب دے کر ٹرخا دیا ہے۔
فیاض الحسن چوہان نے چیئرمین پی پی پی بلاول بھٹو زرداری کی پریس کانفرنس پر اپنے ردِعمل کا اظہار کرتے ہوئے کہا ہے کہ بلاول والد اور خود کو بچانے کے لیے شہباز شریف کا کندھا لینے آئے تھے۔
انہوں نے کہا کہ اب بلاول زرداری اپنی ناکامی کا ملبہ نیب اور حکومت پر ڈال رہے ہیں، میری پیش گوئی سچ ثابت ہوئی کہ اپوزیشن غیر متحدہ اور فیک ہے۔
وزیرِ اطلاعات پنجاب فیاض الحسن چوہان کا مزید کہنا ہے کہ سندھ حکومت ماضی میں بھی کرپشن اور اقربا پروری کی وجہ سے جانی اور مانی جاتی تھی۔
یہ بھی پڑھیئے: شہباز، بلاول کو ایک دوسرے کا غم ہے، فیاض چوہان
انہوں نے یہ بھی کہا کہ غیر متحدہ اپوزیشن پارٹیاں ایک دوسرے پر یقین کرنے کو قطعی تیار نہیں ہیں، عمران خان کی قیادت میں موجودہ حکومت اپنی آئینی مدت پوری کرے گی۔
