کچھ کیا ہوتا تو مراد سعید کارکردگی بیان کرتے، عبدالقادر پٹیل

پاکستان پیپلز پارٹی (پی پی پی) کے رہنما عبدالقادر پٹیل کا کہنا ہے کہ تحریک انصاف کی حکومت نے کچھ کیا ہوتا تو مراد سعید کارکردگی بیان کرتے۔

عبدالقادر پٹیل نے مراد سعید کی پریس کانفرنس پر ردعمل دیتے ہوئے کہا کہ گالم گلوچ سے اگر حکومت چلتی تو پاکستان میں عمران خان کا مذاق نہ اُڑ رہا ہوتا۔

انہوں نے کہا کہ پی ٹی آئی دھاندلی کے دوسال کی تکمیل پر مراد سعید کو سامنے لے کر آئی ہے۔

وزیراعظم نے جو وعدے کیے انہیں پورا کیا، مراد سعید

تحریک انصاف حکومت کے 2 سال مکمل ہونے پر میڈیا بریفنگ میں مراد سعید نےکہاکہ عمران خان نے وعدہ کیا تھاکہ وہ وزیراعظم ہاؤس میں نہیں رہیں گے ،وہ وہاں نہیں رہتے ہیں۔

عبدالقادر پٹیل نے کہا کہ اگر پی ٹی آئی نے دوبر سوں میں کچھ کیا ہوتا تو مراد سعید کارکردگی بیان کرتے۔

پی پی رہنما نے کہا کہ مراد سعید کے پاس کارکردگی بیان کرنے کیلئے کچھ نہیں تھا تو الزامات کا سہارا لیا۔

واضح رہے کہ وفاقی وزیر مواصلات مراد سعید نےتحریک انصاف حکومت کے 2 سال مکمل ہونے پر میڈیا بریفنگ میں کہا تھا کہ عمران خان نے وعدہ کیا تھا کہ وہ وزیراعظم ہاؤس میں نہیں رہیں گے، وہ وہاں نہیں رہتے ہیں۔

انہوں نے کہا کہ وزیراعظم عمران خان کا کوئی کیمپ آفس بھی نہیں ہے اور نہ ہی وہ کسی غیر ملکی دورے پر اپنے کسی رشتے دار کو لے کر گئے ہیں۔