آپ آف لائن ہیں
بدھ5؍ صفر المظفّر 1442ھ23؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مائیکرو سوفٹ کا ٹک ٹاک خریدنے کا منصوبہ کھٹائی میں پڑگیا


امریکی صدر ڈونلڈ ٹرمپ نے ٹک ٹاک پر پابندی لگانے کی دھمکی دے دی۔

ٹرمپ کی دھمکی کے بعد مائیکرو سوفٹ کا ٹک ٹاک خریدنے کا منصوبہ کھٹائی میں پڑگیا ہے۔

مائیکرو سوفٹ اور ٹک ٹاک کے درمیان خریداری کے معاہدے کو کل حتمی شکل دی جانی تھی۔

امریکی حکام نے خدشہ ظاہر کیا ہے کہ ٹک ٹاک کو چین جاسوسی کےلیے استعمال کرسکتا ہے جبکہ ٹک ٹاک کی کمپنی نے الزام کی تردید کردی ہے۔

دوسری طرف کمپنی نے امریکا میں مزید 10ہزار ملازمتیں پیدا کرنے کا اعلان کیا اور کہا کہ ہم کہیں نہیں جارہے۔

واضح رہے کہ اس سے قبل امریکی اسٹیٹ سیکریٹری مائیک پومپیو کا کہنا تھا کہ ٹک ٹاک سمیت چینی سوشل میڈیا ایپس پر پابندی لگانے پر غور کررہے ہیں۔

امریکی اسٹیٹ سیکریٹری مائیک پومپیو نے امریکی میڈیاکو انٹرویو میں کہا تھا کہ ٹک ٹاک سمیت چینی سوشل میڈیا ایپس پر پابندی زیر غور ہے۔

اس سے قبل امریکی حکام ٹک ٹاک کےصارفین کے ڈیٹا ہینڈلنگ سے متعلق تشویش کا اظہار بھی کرچکے ہیں۔

بین الاقوامی خبریں سے مزید