فرمان الہی
نماز کے اوقات
سینئر پاکستانی اداکار اور ڈیجیٹل کریئیٹر فیصل رحمان ان دنوں اپنے بدلے ہوئے لُک کی وجہ سے خبروں میں ہیں۔
فیصل رحمان کا شمار پاکستان کے ان اداکاروں میں ہوتا ہے جنہوں نے کم عمری میں شوبز کی دنیا میں قدم رکھا اور فلم و ٹیلی وژن دونوں شعبوں میں اپنی صلاحیتوں کا لوہا منوایا۔
انہوں نے محض 14 سال کی عمر میں اداکاری کا آغاز کیا اور فلمی دنیا میں نمایاں مقام حاصل کیا، مداحوں نے انہیں بابرا شریف، شبنم اور دیگر معروف اداکاراؤں کے ساتھ اسکرین پر بے حد پسند کیا، حال ہی میں ڈرامہ سیریل قرضِ جاں میں ان کی اداکاری کو بھی خوب سراہا گیا۔
فیصل رحمان نے حال ہی میں اپنے لمبے بال کٹوا کر نیا ہیئر اسٹائل اپنایا، جس نے سوشل میڈیا پر خاصی توجہ حاصل کرلی، اداکار کے مطابق مجھے اس تبدیلی کے بعد مداحوں کی جانب سے بے حد مثبت ردعمل ملا ہے۔
فیصل رحمان نے بتایا کہ میں کافی عرصے سے اپنے لمبے بال کٹوانا چاہتا تھا، تاہم مجھے بال جھڑنے کا خدشہ تھا۔
سوشل میڈیا صارفین اداکار کی اس تبدیلی کو بے حد پسند کر رہے ہیں۔ ایک مداح نے لکھا کہ اب آپ بالکل نوجوان فیصل رحمان لگ رہے ہیں، ایک اور صارف کا کہنا تھا واہ، یہ تبدیلی آپ پر بہت اچھی لگ رہی ہے، جبکہ ایک تبصرے میں لکھا گیا یہ ہیئر اسٹائل آپ کی عمر اور شخصیت دونوں کے لیے بہترین ہے، آپ میں پھر سے اسٹار والی جھلک نظر آ رہی ہے۔
کچھ مداحوں نے فیصل رحمان کو ہالی ووڈ ہیرو سے تشبیہ دی، جبکہ ایک صارف نے لکھا کہ بالکل 80 کی دہائی والے فیصل رحمان واپس آ گئے ہیں۔
