آپ آف لائن ہیں
جمعرات14؍ جمادی الثانی 1442ھ28؍جنوری 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

زرداری کیخلاف 10 اگست کو فرد جرم عائد کرنے کا حکم

زرداری کیخلاف 10 اگست کو فرد جرم عائد کرنے کا حکم 


احتساب عدالت نے پارک لین ریفرنس میں سابق صدر آصف علی زرداری کی ریفرنس خارج کرنے کی درخواست مسترد کرتے ہوئے 10 اگست کو فرد جرم عائد کرنے کا حکم دیدیا ہے۔

احتساب عدالت کے جج اعظم خان نے آصف زرداری کی دونوں درخواستوں پر فیصلہ سناتے ہوئے انہیں خارج کردیا۔

پارک لین ریفرنس میں آصف زرداری کی ریفرنس خارج کرنے سمیت عدالتی دائرہ اختیار سے متعلق درخواست بھی مسترد کردی گئی اور 10 اگست کو سابق صدر پر فرد جرم عائد کرنے کا حکم دیا ہے۔

عدالت نے اپنے حکم میں کہا کہ تحریری حکم نامہ آج ہی جاری کریں گے جس میں ضروری ہدایات دی جائیں گی۔

اس سے قبل جعلی اکاونٹس کیسز، پارک لین ریفرنس میں اس وقت نیا موڑ آیا جب سابق صدر آصف علی زرداری نے بریت اور ریفرنس خارج کرنے کی اپنی درخواست واپس لے لی ۔

ڈپٹی پراسیکیوٹر جنرل نیب سردار مظفر عباسی نے عدالت سے آصف زرداری کی بریت درخواست خارج کرکے فرد جرم عائد کرنے کی استدعا کی۔

سردار مظفر عباسی نے کہاکہ تمام دلائل مکمل ہونے کے بعد آصف زرداری درخواست واپس نہیں لے سکتے، ملزم جان بوجھ کر تاخیری حربے استعمال کر رہا ہے۔

نیب نے عدالت میں موقف اختیار کیا کہ ایک ماہ فردجرم موخر کروا کے آج جواب الجواب پر درخواست واپس لے رہے ہیں۔

اس موقع پر احتساب عدالت میں سابق صدر آصف زرداری کے وکیل فاروق ایچ نائیک نے کہا کہ پارک لین ریفرنس نیب قانون نہیں بلکہ مالیاتی قوانین کا کیس ہے۔

جج احتساب عدالت نے کہا کہ عدالت آصف علی زرداری کی بریت درخواست پر حکم آج ہی جاری کریں گے۔

قومی خبریں سے مزید