شہزادہ ہیری اپنے اور اہلیہ کے بارے میں تلخ تبصروں پر دلبرداشتہ

شہزادہ ہیری اور ان کی اہلیہ میگھن مارکل دنیا بھر میں عوامی سطح پر انتہائی مقبول شخصیات میں شامل ہیں، لہٰذا قدرتی طور پر اسی وجہ سے دونوں انٹرنیٹ پر ظاہر ہونے والے تلخ ریمارکس کا نشانہ بھی بن رہے ہیں۔

ایک جانب ڈیوک اور ڈچز آف سسیکس کو جہاں سوشل میڈیا پر بہت مثبت انداز میں سراہا جاتا ہے تو وہیں اس شاہی جوڑے کو آن لائن نفرتوں اور تلخیوں کا بھی سامنا ہے۔

میگھن کو شاہی خاندان کا رکن بننے سے قبل سخت ٹریننگ دی گئی

اومڈ اسکوبی اور کیروئن ڈیورنڈ کی تصنیف فائنڈنگ فریڈم کے مطابق میگھن مارکل کی شہزادہ ہیری سے شادی سے قبل بڑی سخت قسم کے تربیتی سیشن ہوئے جس میں انکے فرضی اغوا کا ایک سیشن بھی ہوا جس میں انھوں نے شرکت کی۔

ایک برطانوی اخبار کے مطابق فائنڈنگ فریڈم نامی کتاب کے مصنفین اومڈ اسکوبی اور کیرولین ڈیورنڈ نے اپنی کتاب میں لکھا ہے کہ شہزادہ ہیری اس وقت بہت دلبرداشتہ ہوئے جب انھوں نے اپنے اور اپنی اہلیہ کے بارے میں منفی تبصرے پڑھے۔

دونوں مصنفین کے مطابق جب سسیکس کاؤنٹی کے اس جوڑے نے 2019 کے سیزن میں اپنی تعطیلات شاہی خاندان کے دیگر افرد کے بجائے  کینیڈا کے جزیرے وینکوور میں گزارنے کا فیصلہ کیا تو میڈیا میں اس حوالے سے سخت تنقید شروع ہوگئی۔

میگھن نے ہیری سے شادی سے قبل کیٹ اور ولیم کی شاہی شادی پر تنقید کی تھی

برطانوی شہزادہ ہیری کی اہلیہ میگھن مارکل نے اپنے مستقبل کے شوہر سے ملنے سے بہت پہلے ایک مرتبہ کیٹ مڈلٹن اور شہزادہ ولیم کی بڑے پیمانے پر ہونے والی شاہی شادی پر تنقید کی تھی۔

کتاب میں دعویٰ کیا گیا ہے کہ اس صورتحال پر شہزادہ ہیری بہت دکھی ہوئے اور انھیں یہ سخت ناگوار لگا۔ بالخصوص تبصروں والی جگہ پر تو بعض نہایت ہی تکلیف دہ ریمارکس موجود تھے۔