فرمان الہی
نماز کے اوقات
پاکستان شوبز انڈسٹری کی سینئر اداکارہ شگفتہ اعجاز نے والدہ کے لیے محبت بھرا پیغام شیئر کرتے ہوئے کہا ہے کہ والدہ میری کُل کائنات ہیں، اللّٰہ انہیں صحت مند زندگی عطا فرمائے۔
سوشل میڈیا سائٹ انسٹاگرام پر شگفتہ اعجاز نے والدہ کے ساتھ تصویریں شیئر کرتے ہوئے لکھا کہ مائیں اللہ پاک کی طرف سے وہ حسین تحفہ ہیں جس کا کوئی نعم البدل نہیں۔
انہوں نے مداحوں سے اپنے والدین کا خیال رکھنے اور ان کی عزت کرنے کی اپیل بھی کی۔
اس سے قبل لاک ڈاؤن کے دوران 49 سالہ اداکارہ نے گاؤں کی یاد میں اپنے گھر کی چھت کو ہی ’گاؤں‘ کی شکل دے ڈالی تھی اور تصویریں انسٹاگرام پر شیئر کی تھیں۔
پنجاب کے ضلع گجرات سے تعلق رکھنے والی اداکارہ نے اپنی چھت پر بنے ’گاؤں‘ کا نام ’سوہنا سکھ وال‘ رکھا ہے۔
