فرمان الہی
نماز کے اوقات
ڈیفنس ہاؤسنگ اتھارٹی (ڈی ایچ اے) کراچی میں اپنے گھر میں گولی لگنے سے ہلاک ہونے والی ڈاکٹر ماہا شاہ کی میڈیکو لیگل رپورٹ میں قتل کیے جانے کا امکان سامنے آگیا ہے، رپورٹ کے مطابق ڈاکٹر ماہا رائٹ ہینڈر تھی جبکہ گولی ڈاکٹر ماہا کے سر میں بائیں جانب سے لگی ہے۔
ڈاکٹر ماہا کی موت 18 گست کو ڈی ایچ اے کراچی میں واقع گھر میں گولی لگنے سے ہوئی تھی۔
ڈیفنس میں ڈاکٹر ماہا شاہ کی مبینہ خود کشی کیس میں ڈرامائی موڑ آیا ہے، تفتیشی حکام کا کہنا ہے کہ خودکشی قرار دیئے گئے کیس میں قتل کا عنصر شامل ہونے کا امکان ہے۔
قتل کے عنصر کا شبہ ڈاکٹر ماہا کی میڈیکو لیگل رپورٹ کے بعد سامنے آیا، ایم ایل او رپورٹ میں گولی کنپٹی کے بائیں جانب سے لگی اور دائیں جانب سے باہر نکل گئی۔
تفتیشی حکام اور ڈاکٹر ماہا کے والد کا کہنا ہے کہ مرحومہ رائٹی تھیں، جبکہ کرائم سین اور اہلخانہ کے بیان کے مطابق گولی کنپٹی کے سیدھے ہاتھ کی جانب سے لگی اور الٹے ہاتھ کی جانب سے نکل گئی۔
ایس ایس پی انویسٹی گیشن ساؤتھ زون بشیر بروہی کا کہنا ہے کہ میڈیکو لیگل رپورٹ کے بعد ہی ڈاکٹر ماہا کی قبر کشائی کا مجسٹریٹ کو لکھا گیا تاکہ تفصیلی میڈیکل اگزامینیشن سے صورتحال واضح ہو اور اگر یہ قتل ہے تو ڈاکٹر ماہا کے اہلخانہ کو بھی شامل تفتیش کیا جاسکتا ہے۔
میڈیکو لیگل رپورٹ کے بارے میں ڈاکٹر ماہا کے والد کا کہنا ہے کہ رپورٹ میں گڑ بڑ کی گئی ہے۔
