خیبرپختونخواحکومت میں وزارتوں کی تقسیم پرپھر اختلافات؟ نئے وزراء کے محکموں کا فیصلہ تعطل کاشکار

پشاور( گلزار محمد خان ) خیبر پختونخوا حکومت میں وزارتوں کی تقسیم کے معاملہ پر مبینہ طورپر اختلافات پیدا ہوگئے ہیں جس کے باعث کابینہ میں شامل ہونیوالے2 نئے وزرا شہرام خان ترکئی اور انورزیب کے محکموں اور ممکنہ طورپر پرانے وزرا کےقلمدان تبدیل کرنیکا فیصلہ تعطل کا شکار ہوگیا ہے۔

نئے وزرا شہرام کو تعلیم ، انو رزیب کو محکمہ مال ملنے کا امکان ، اکبر ایوب کا تعلیم کی وزارت چھوڑنے پر بلدیات کا محکمہ لینے کی خواہش ہے۔

شہرام ترکئی کو ابتدائی و ثانوی تعلیم اور انور زیب خان کو محکمہ مال کا قلمدان تفویض کئے جانے کیساتھ صوبائی وزرا اکبر ایوب خان، تیمور سلیم جھگڑا، قلندر خان لودھی اور معاون خصوصی کامران بنگش کے محکموں کی تبدیلی کا امکان ہے۔