منی لانڈرنگ کیس،شہبازشریف صاحبزادی سمیت پیش،سماعت ملتوی

لاہور (نمائندہ جنگ)احتساب عدالت لاہور نے منی لانڈرنگ کیس میں سابق وزیر اعلیٰ پنجاب میاں شہباز شریف اور دیگر کے خلاف کیس کی سماعت 14 ستمبر تک ملتوی کر دی ۔ شہباز شریف اپنی صاحبزادی جویریہ کے ہمراہ عدالت میں پیش ہوئے ۔ حمزہ شہباز کو علالت کے باعث پیش نہیں کیا جا سکا، عدالت نے ملزمان کو منی لانڈرنگ ریفرنس کی کاپیاں ملزمان میں تقسیم کرنے کا حکم دیا ۔ جیل سپرنٹنڈنٹ نے رپورٹ عدالت میں پیش کی کہ حمزہ شہباز کو گزشتہ دو روز سے بخار کی شکایت ہے۔