• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مفرور ملزم عابد کے گرد گھیرا تنگ ہونے لگا

تازہ ترین
قومی خبریں
14 ستمبر ، 2020


موٹر وے زیادتی کیس کے مرکزی مفرور ملزم عابد علی کے گرد گھیرا تنگ ہونے لگا۔

موٹر وے زیادتی کیس سے جڑے گروہ سے متعلق گتھی سلجھنے لگی ہے، گروہ سے جڑے کئی نام سامنے آگئے۔

پولیس کے روبرو کچھ ملزمان نے خود گرفتاری دے دی ہے جبکہ ایک کو پولیس نے دیپالپور سے گرفت میں لے لیا ہے۔

پولیس کو اب صرف مرکزی مفرور ملزم عابد علی کی تلاش ہے، جس کی گرفتاری کے لیے تلاش اور تفتیش کا عمل جاری ہے۔

ملزم شفقت سے متعلق تفصیلات سامنے آگئیں

ذرائع کے مطابق ملزم شفقت علی، مرکزی ملزم عابد علی کی طرح عادی مجرم رہا ہے اور ماضی میں بھی وہ ایسے جرائم کا ارتکاب کرچکا ہے۔

ادھر مبینہ طور پر عابد علی کے ساتھ مل کر وارداتیں کرنے والے عباس علی نے گرفتاری دی ہے اور شفقت علی کو پولیس نے حراست میں لےلیا ہے۔

عباس علی اور شفقت علی کی نشاندہی گزشتہ روز خود گرفتاری دینے والے وقار الحسن نے کی تھی۔

گرفتاری دینے والے عباس جو وقار الحسن کا سالہ ہے، نے زیادتی کے واقعے میں ملوث ہونے سے انکار کیا ،او ر اس حوالے سے ویڈیو بیان بھی جاری کیا ہے۔

گزشتہ روز گرفتاری دینے والے وقار الحسن کو متاثرہ خاتون نے شناخت سے انکار کردیا ہے، تفتیشی حکام نے متاثرہ خاتون کو وقار الحسن کی تصویر بھیجی تھی۔

سانحہ موٹروے: ملزم عباس نے مرکزی ملزم عابد سے لاتعلقی کا اظہار کردیا

سانحہ موٹروے کے ملزم عباس نے گرفتاری پیش کردی تھی، ذرائع کے مطابق عباس نے شیخوپورہ میں خود کو پولیس کے حوالے کیا تھا۔

پولیس ذرائع کے مطابق وقار الحسن زیادتی کی واردات میں ملوث ہے یا نہیں اس بارے میں حتمی فیصلہ ڈی این اے رپورٹ سے ہوگا۔

تازہ ترین