موٹر وے پر خاتون سے زیادتی کے بعد محکمہ داخلہ پنجاب کو ہوش آگیا

لاہور سیالکوٹ موٹر وے ایم 11 پر آج تک کوئی پٹرول پمپ بنا ہے نہ ورکشاپ اور نہ پنکچر لگانے کی دکان ہے، جبکہ مسافروں کیلئے باتھ روم کی سہولت بھی نہیں ہے، تاہم موٹروے پر دس روز قبل خاتون سے زیادتی کے واقعے کے بعد پنجاب حکومت کو ہوش آگیا ہے اور اُس نے لاہور سیالکوٹ موٹر وے کی ویرانیاں دور کرنے کے لیے ہنگامی انتظامات شروع کر دیئے ہیں۔

یہ بھی پڑھیے: لاہور : موٹر وے پر خاتون کے ساتھ اجتماعی زیادتی

لاہور سیالکوٹ موٹر وے ایم 11 پر ریپ کیس کے بعد 91 کلو میٹر طویل موٹر وے کی ویرانیاں دور کرنے کیلئے فور ی اقدامات شروع کردیئے گئے۔

موٹر وے زیادتی کیس، ملزم عابد کی مختلف انداز میں تصاویر جاری کردیں

گوجر پورہ سانحے کے دس روز گزرنے کے بعد بھی تا حال مرکزی ملزم عابد پولیس کے ہاتھ نہیں آسکا ، پولیس نے شک ظاہر کیا ہے کہ وہ پولیس سے بچنے کے لیے روپ بدل سکتا ہے، لہذا پولیس نےملزم عابد کی تین تصاویر جاری کی ہیں ۔ ایک تصویر میں اسکے سر اور مونچھوں کے بال منڈھے ہوئے ہیں ،دوسری میں سر کے بال مونڈھے ہوئے اور فرینچ داڑھی جبکہ تیسری تصویر میں سر مونڈھا ہوا اور مونچھیں ہیں ۔

لاہور سیالکوٹ موٹر وے کھلنے کے بعد آج تک اس پر پٹرول پمپ بنا نہ ورکشاپ اور نہ ہی باتھ روم کی سہولت فراہم کی گئی، تاہم خاتون سے زیادتی کا واقعہ پیش آیا تو حکومت کی پھرتیاں بھی سامنے آنے لگیں، ٹول پلازہ پر اسپیشل پروٹیکشن یونٹ جبکہ موٹر وے پر پٹرولنگ فورس تعینات کردی گئی ہے۔

موٹروے زیادتی کیس: ملزم عابد علی کی بیوی کو پولیس نے حراست میں لے لیا

پولیس ذرائع کے مطابق موٹروے زیادتی کیس میں ایک پیشرفت ہوئی ہے، پولیس نے ملزم عابد علی کی بیوی کو مانگا منڈی سے حراست میں لیا ہے۔

مسافروں کی سہولت کے لئے ہیلپ لائن 1124 کے بورڈ بھی آویزاں کردیئے گئے ہیں اور اگر دوران سفر پٹرول ختم ہو جائے تو پریشان نہ ہوں، 1124 پر فون کریں، پٹرولنگ فورس کے اہلکار پٹرول فراہم کریں گے، جبکہ گاڑی خراب ہونے پر یہی اہلکار گاڑی کی مرمت بھی کریں گے۔

مسافروں کو فوری سہولت فراہم کرنے کیلئے پنجاب ہائی ویز کی تمام گاڑیوں کو ٹریکرز اور وائرلیس سے منسلک کر دیا گیا ہے۔