آپ آف لائن ہیں
ہفتہ6؍ربیع الاوّل 1442ھ 24؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کراچی: دکان مالک کی غفلت نے 2 بچوں کی جان لے لی

کراچی کے علاقےنارتھ کراچی خواجہ اجمیر نگری میں پانی کی ٹنکی میں گر کر ڈوب کر 2 بچےجاں بحق ہو گئے۔

علاقہ مکینوں نے الزام عائد کیا ہے کہ دکان کے مالک کی غفلت سے 2 بچوں کی جان گئی ہے۔

علاقہ مکینوں کے مطابق دکان کے مالک نے دکان میں پانی کا ٹینک بنایا ہوا ہے، دکان پر نہ کوئی شٹر ہے اور نہ ہی دروازہ ہے، جبکہ پانی کے ٹینک پر ڈھکن کے بجائے گتہ اور فوم رکھا ہوا تھا۔

ایک علاقہ مکین نے بتایا کہ اتوار 20 ستمبر کو بچہ گر گیا تو اہلِ خانہ جگہ جگہ ڈھونڈتے رہے۔

انہوں نے بتایا کہ گزشتہ روز دوسرا بچہ گرا تو اس کو نکالنے کے دوران پہلے بچے کی لاش ملی۔


علاقہ مکین کا یہ بھی کہنا ہے کہ ٹینکی کا ڈھکن تین چار بار چوری ہو چکا ہے، ڈھکن چوری ہونے کے بعد دکان کے مالک نے اس کی جگہ گتہ اور فوم رکھ دیا تھا۔

اتوار 20 ستمبر کو ٹینک میں گر کر جاں بحق ہونے والے بچے کا نام محمد ولد قاری سلیم جبکہ گزشتہ روز جاں بحق ہونے والے بچے کا نام اظہار بتایا گیا ہے۔

قومی خبریں سے مزید