• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

افغانستان، سڑک کنارے نصب بم دھماکے میں 14 افراد جاں بحق

آج کا اخبار
دنیا بھر سے
30 ستمبر ، 2020
افغانستان، سڑک کنارے نصب بم دھماکے میں 14 افراد جاں بحق

کابل (اے ایف پی)وسطی افغانستان میں سڑک کنارے نصب بم کے دھماکے میں خواتین و بچوں سمیت 14 افراد جاں بحق ہوگئے۔اے ایف پی کے مطابق افغان وزارت داخلہ کے ترجمان طارق آرائین نے کہا کہ صوبہ دایکندی میں سڑک کنارے نصب بم کے دھماکے میں ایک ہی گاڑی موجود 7 خواتین، 5 بچے اور 2 مرد جاں بحق ہوئے۔ انہوں نے دھماکے کا الزام طالبان پر عائد کرتے ہوئے کہا کہ اس سے 3 بچے زخمی بھی ہوئے۔دایکندی کے گورنر کے ترجمان نصر اللہ غوری نے بتایا کہ متاثرہ افراد مزار جارہے تھے جب ان کی منی بس بم سے ٹکرائی۔دھماکے کی ذمہ داری فوری طور پر کسی گروپ نے قبول نہیں کی، تاہم سڑک کنارے نصب بم کے دھماکے اکثر طالبان کی طرف سے کیے جاتے ہیں۔

تازہ ترین