فرمان الہی
نماز کے اوقات
سندھ کے شہر گھوٹکی کی پولیس نے مبینہ طور پر اغواء کی گئی خاتون کو اس کے 3 بچوں سمیت بازیاب کر کے 2 ملزمان کو گرفتار کر لیا۔
پولیس کے مطابق صادق آباد کے علاقے ماچھی گوٹھ سے خاتون کو 3 بچوں سمیت 7 روز قبل نوکری اور بچوں کی تعلیم کا جھانسہ دے کر اغواء کیا گیا تھا۔
پولیس پٹرولنگ کے دوران بچوں کے شور مچانے پر ملزمان کے قبضے سے خاتون اور 3 بچوں کو بازیاب کر کے 2 ملزمان کو گرفتار کر لیا گیا ہے۔
دوسری جانب گرفتار ملزم کا کہنا ہے کہ خاتون اپنے شوہر کے تشدد سے تنگ آ کر اُس کے ساتھ فرار ہو رہی تھی۔
پولیس نے واقعے کا مقدمہ درج کر کے تحقیقات شروع کر دی ہیں۔
