رنگ گورا کرنے والی مصنوعات کی تشہیر کرنے والوں کو شرم آنی چاہیے: آمنہ الیاس

پاکستان کی ٹاپ ماڈلز میں شمار کی جانے والی آمنہ الیاس نے رنگ گورا کرنے والی مصنوعات کی تشہیر کرنے والے ساتھی اداکاراؤں کی کلاس لے لی۔

انہوں نے کہا کہ رنگ گورا کرنے والی مصنوعات کی تشہیر کرنے والوں کو شرم آنی چاہیے۔

ماہرہ رنگ گورا کرنے والی مصنوعات کی مخالف

پاکستان فلم انڈسٹری کی صفِ اول کی اداکارہ ماہرہ...

آمنہ الیاس نے اپنے حالیہ ٹوئٹ میں رنگ گورا کرنے والی مصنوعات کی تشہیر کرنے والے ساتھی فنکاروں پر اظہار برہمی کرتی دکھائی دیں۔

انہوں نے اپنے ٹوئٹ میں لکھا کہ ’انڈسٹری سے وابستہ میری کچھ ساتھی فنکارائیں پیسوں کی خاطر ایک عرصے سے رنگ گورا کرنے والی کریم کی تشہیر کر رہی ہیں۔‘

انہوں نے کہا کہ عوامی شخصیت ہونے کے ناطے ہمارا یہ کام ہے کہ ہم دوسرے کو اس کی خوبصورتی کا احساس کرائیں نہ کہ انہیں شرمندہ کریں اور احساس محرومی میں مبتلا کریں کہ وہ خوبصورت نہیں۔

رنگ گورا کرنے والی کریم سے ’فئیر‘ کا لفظ حذف کرنے کا اعلان

مشہور مصنوعات بنانے والی کمپنی ’یونی لیور‘ نے...

آمنہ الیاس نے یہ بھی لکھا کہ اس طرح کی فکر اور سوچ کو پروان چڑھانے والوں کو شرم آنی چاہیے۔

یہاں یہ بات قابلِ ذکر ہے کہ اداکارہ و ماڈل آج کل سیاہ رنگت کے حوالے سے کھل کر اظہار خیال کررہی ہیں۔

میری سیاہ رنگت مجھے ناکام نہیں کرسکتی، آمنہ الیاس

پاکستان کی ٹاپ ماڈل و اداکارہ آمنہ الیاس نے سوشل میڈیا پر اپنی سیاہ رنگت کے حوالے سے ایک اہم پیغام جاری کیا ہے۔

اس سے قبل انہوں نے اپنی ایک انسٹاگرام پوسٹ میں اپنی گہری رنگت سے متعلق لکھا تھا کہ ’میری گہری رنگت مجھے ناکام نہیں کرسکتی اور نہ ہی مجھے میرے کسی بھی مقصد میں گِرا سکے گی۔‘

آمنہ الیاس کا یہ بھی کہنا تھا کہ ’میری جِلد چاہے جیسی بھی ہو مجھے اس سے کوئی فرق نہیں پڑتا، میں اپنے مقاصد کو حاصل کرنے کے لیے ہر ممکن کوشش کروں گی اور اُنہیں حاصل کرکے رہوں گی۔‘