سشانت خودکشی: ریا کو منشیات کیس میں ضمانت مل گئی

بالی ووڈ کے نوجوان اداکار سشانت سنگھ راجپوت خودکشی کیس سے منسلک منشیات معاملے میں گرفتار اداکارہ ریا چکرورتی کو ضمانت مل گئی جبکہ اُن کے بھائی شووک چکرورتی جیل میں ہی رہیں گے۔

بھارتی میڈیا رپورٹس کے مطابق ممبئی ہائی کورٹ نے سشانت کی گرل فرینڈ ریا چکرورتی کی درخواست ضمانت پر آج فیصلہ سنایا ہے، ایک ماہ سے جیل میں قید ریا نے لوئر  کورٹ سے دو مرتبہ عرضی خارج ہونے کے بعد ہائی کورٹ میں ضمانت کی اپیل کی تھی۔

اسی کیس میں مقامی عدالت نے گزشتہ روز ریا چکرورتی کے جوڈیشل ریمانڈ میں 14 دن کی توسیع کی تھی تاہم اب انہیں ہائی کورٹ سے ضمانت مل گئی ہے۔

ضمانت ملنے کے بعد ریا پورے ایک ماہ بعد جیل سے باہر آئیں گی جبکہ منشیات کیس میں ریا کے بھائی شووک چکرورتی، عبدالباسط پریہار، دیپیش ساونت اور سیموئل میرانڈا کی درخواست ضمانت کو عدالت نے مسترد کر دیا ہے۔

سشانت کی موت خودکشی قرار، ریا کو رہا کیےجانےکامطالبہ

بھارتی فلم انڈسٹری کی اداکارہ سوارا بھاسکر کی جانب سے سُشانت سنگھ راجپوت کے قتل کے الزام میں گرفتار سُشانت کی گرل فرینڈ ریا چکروتی کو رہا کیے جانے کا مطالبہ کیا گیا ہے۔

میڈیا رپورٹس کے مطابق عدالت کی کارروائی آج صبح 11 بجے شروع ہوئی تھی جس کے بعد بینچ نے فوراً فیصلہ سنا دیا تھا۔

بھارتی میڈیا کا کہنا ہے کہ عدالت نے ضمانت کے عوض ریا چکرورتی کو ایک لاکھ روپے بطور بانڈ جمع کرانے اور رہائی کے بعد روزانہ 10 روز قریبی پولیس اسٹیشن میں حاضری لگانے کی ہدایت کی ہے۔

انڈین اداکار سشانت سنگھ کی موت خودکشی قرار، قتل کا امکان رد

بھارتی میڈیا کی رپورٹس کے مطابق ڈاکٹر سدھیر نے سشانت سنگھ راجپوت کی پوسٹ مارٹم رپورٹ کا جائزہ لینے کے بعد کہا ہے کہ آنجہانی اداکار کی موت کی وجہ خودکشی تھی۔

اس کے علاوہ اداکارہ کو اپنا پاسپورٹ بھی جمع کرانے کی ہدایت کی گئی ہے اور وہ عدالت کی اجازت کے بغیر بیرون ملک سفر نہیں کرسکتیں۔

اداکارہ ریا چکرورتی کے وکیل نے اپنی مؤکلہ کی ضمانت کو سچ اور انصاف کی جیت قرار دیتے ہوئے کہا ہے کہ بلآخر حقائق اور قانونی نکات کو عدالت نے تسلیم کیا ہے۔

سشانت کیس حل ہونے کے قریب؟ بہن کا اہم پیغام

سشانت کے مداحوں کو مخاطب کرتے ہوئے شویتا نے کہا کہ آئندہ کچھ روز بہت اہم ہیں، ہم بہت جلد اچھی خبریں سنیں گے۔

واضح رہے کہ نارکوٹکس کنٹرول بیورو (این سی بی) نے ریا چکرورتی کو 8 ستمبر کو گرفتار کیا تھا، ریا پر 14 جون کو گھر میں مردہ پائے جانے والے سشانت سنگھ کے لیے منشیات کا انتظام کرنے کا الزام ہے۔

دوسری جانب اداکارہ نے اس کیس میں اپنی اور اپنے بھائی کی گرفتاری کو ایجنسیوں کی انتقامی کارروائی قرار دیا ہے۔