کورونا وائرس میں اضافہ، عمان میں رات کے کرفیو کا نفاذ

09 اکتوبر ، 2020

خلیجی ریاست سلطنت عمان میں کورونا وائرس کے پھیلاؤ میں اضافہ کی وجہ سے دو ہفتے کے لیے ایک بار پھر رات کا کرفیو لگانے کا فیصلہ کیا گیا ہے۔

میڈیا رپورٹس کے مطابق 11 سے 24 اکتوبر تک دکانیں اور عوامی مقامات رات آٹھ سے صبح پانچ بجے تک بند رہیں گے۔

یہ بھی پڑھیے

کورونا وائرس کے حوالے سے انچارج سپریم کونسل نے کہا کہ عمان میں ساحلی مقامات بھی تا حکم ثانی بند رہیں گے۔

کونسل کا ایک بیان میں کہنا ہے کہ کورونا وائرس کے پھیلاؤ میں اضافے کے باعث شہریوں اور غیر ملکیوں کے تحفظ کے لیے دوبارہ کرفیو نافذ کرنے کا فیصلہ کیا گیا ہے۔

کونسل نے شہریوں سے کہا کہ وہ نئے ایس اوپیز کی پابندی کریں۔ اس کی خلاف ورزی کرنے والے کاروباری مراکز کے نام میڈیا میں مشتہر کیے جائیں گے۔

یاد رہے کہ عمان میں ایک ماہ کے دوران یومیہ 700 نئے کیسز سامنے آئے، اور متاثرین کی مجموعی تعداد بڑھ کر ایک لاکھ سے تجاوز کر گئی ہے۔

تازہ ترین