بہتر انسان بننے کی جستجو میں رہیں، بابر اعظم

پاکستان کرکٹ ٹیم کے ٹی ٹوئنٹی کپتان بابر اعظم کی جانب سے سوشل میڈیا پر مداحوں کے لیے معنی خیز پیغام  سامنے آیا ہے۔

قومی کرکٹ ٹیم کے دائیں ہاتھ کے بلے باز بابر اعظم نے مائیکرو بلاگنگ سائٹ ٹوئٹر پر اپنی ایک تصویر شیئر کی ہے جس میں وہ ہمیشہ کی طرح مُسکراتے نظر آرہے ہیں، بابراعظم نے اپنی اس تصویر کے ساتھ مداحوں کے لیے مثبت پیغام بھی جاری کیا ہے۔

ٹوئٹر پر تصویر شیئر کرتے ہوئے بابر اعظم نے لکھا کہ ’اپنی ذات کو اچھا بنانے کے لیے آپ خود کو چیلنج کریں۔‘

بابر اعظم نے مثبت سوچ کا مظاہرہ کرتے ہوئے لکھا کہ ’ہمیشہ بہتر انسان بننے کی جستجو میں رہیں تاکہ ہر ایک آپ کو پسند کرے۔‘

بابر اعظم کے لئے 5 نمبر کی اہمیت

کرکٹ کے تمام فارمیٹس کی بیٹسمینوں کی رینکنگ میں بابر اعظم ٹاپ5 میں موجود ہیں۔ ٹی20 لسٹ میں سرفہرست، ون ڈے میں تیسرے جبکہ ٹیسٹ فارمیٹ میں بابر اعظم کا پانچواں نمبر ہے۔

قومی کرکٹر کے اس مثبت پیغام کو ٹوئٹر صارفین کی جانب سے بہت پسند کیا جارہا ہے اور اب تک اُن کے ٹوئٹ پر 11 ہزار سے زائد لائکس آچکے ہیں۔

خیال رہے کہ بابر اعظم نے گزشتہ دنوں ہی مختصر ترین دورانیے کی کرکٹ میں اپنے 5000 رنز مکمل کیے ہیں جس کے بعد بابراعظم ٹی ٹوئنٹی میں پانچ ہزار رنز بنانے والے چھٹے پاکستانی بیٹسمین بن گئے ہیں۔

بابر اعظم کے ٹی ٹوئنٹی میں 5000 رنز مکمل

بابر اعظم نے انگلینڈ میں جاری ٹی ٹوئنٹی بلاسٹ میں سمرسیٹ اور گلیمورگن کے میچ میں یہ سنگ میل عبور کیا۔

ان سے قبل شعیب ملک، محمد حفیظ، کامران اکمل، احمد شہزاد اور عمر اکمل بھی 5 ہزار رنز مکمل کر چکے ہیں۔