فرانس: 1 دن میں کورونا وائرس کے 26 ہزار سے زائد کیسز

فرانس میں گزشتہ 24 گھنٹوں کے دوران کورونا وائرس کے نئے 27 ہزار کے قریب کیسز سامنے آنے کے بعد نیا ریکارڈ قائم ہو گیا۔

گزشتہ روز فرانسیسی وزارتِ صحت کی جانب سے جاری کیئے گئے اعداد و شمار کے مطابق کورونا وائرس کی وباء کے آغاز کے بعد پہلی بار فرانس میں ایک دن میں سامنے آنے والے کورونا وائرس کے نئے کیسز کی تعداد 26 ہزار سے زائد ہو گئی۔

پاکستان: کورونا وائرس کے مزید 666 کیسز، 12 اموات

نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران 666 نئے کورونا وائرس کے کیسز سامنے آ گئے، مزید 12 افراد اس موذی وباء کے سامنے زندگی کی بازی ہار گئے جبکہ 396 مریض اس بیماری سے شفایاب ہو گئے۔

فرانسیسی وزارتِ صحت کے مطابق گزشتہ 24 گھنٹوں کے دوران 26 ہزار 896 نئے کورونا وائرس کے کیسز سامنے آئے ہیں۔

فرانس میں کورونا وائرس کے کل کیسز کی تعداد 7 لاکھ 18 ہزار 873 تک جا پہنچی ہے جبکہ اس سے ہلاک ہونے والوں کی تعداد 32 ہزار 637 ہو گئی۔

فرانس بھر میں 5 لاکھ 85 ہزار 408 کورونا وائرس کے مریض اب بھی اسپتالوں، قرنطینہ مراکز اور گھروںپر زیرِ علاج ہیں جن میں سے 1 ہزار 448 کی حالت تشویش ناک ہے جبکہ 1 لاکھ 828 افراد اس بیماری سے شفایاب ہو چکے ہیں۔

اس صورتِ حال سے نمٹنے کے لیے پیر کے روز سے (کل سے) مزید سختیوں کا اعلان متوقع ہے اور بعض علاقوں میں لاک ڈاؤن لگانے پر غور جاری ہے، اس طرح دوسری لہر نے فرانس کو ہلا کر رکھ دیا ہے۔