آپ آف لائن ہیں
ہفتہ6؍ربیع الاوّل 1442ھ 24؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سلمان خان کا مداحوں کے لئے بڑا اعلان

بالی وڈ کے سپر اسٹار سلمان خان نے اپنی نئی فلم رادھے کی شوٹنگ مکمل ہونے کا اعلان کردیا۔

کئی ماہ انتظار کے بعد گزشتہ روز بالی وڈ کے دبنگ خان نے فلم کی شوٹنگ مکمل ہونے کا اعلان بھی دبنگ انداز میں کیا۔

سلمان خان فلم کی شوٹنگ مکمل ہونے کا اعلان کرتے ہوئے انتہائی خوش تھے۔انہوں نے سیٹ پر موجود انتظامیہ سمیت تمام لوگوں کا شکریہ بھی ادا کیا۔

کورونا وائرس کی پابندیوں کی وجہ سے سلمان خان اور دیشا پٹانی نے فلم کی شوٹنگ تقریباً 7 ماہ بعد دوبارہ شروع کرائی تھی۔ فلم کی دیگر کاسٹ میں جیکی شروف اور رندیپ ہودا بھی شامل ہیں۔

کچھ دن قبل فلم کی مین کاسٹ میں شامل اداکارہ دیشا پٹانی نے اپنے حصے کی شوٹنگ مکمل کرانے کا اعلان کیا تھا۔

بھارتی میڈیا کے مطابق فلم کی شوٹنگ اس ماہ کے آخر تک مکمل کی جانی تھی تاہم اسے شیڈول سے پہلے ہی مکمل کرلیا گیا۔

سلمان خان کے مداحوں کو فلم کی صورت میں رادھے کی واپسی کا بےصبری سے انتظار ہے تاہم فلم کی ریلیز کے حوالے سے کوئی بھی تاریخ سامنے نہیں آئی ہے۔

انٹرٹینمنٹ سے مزید