کیپٹن (ر) صفدر کی گرفتاری، سندھ حکومت نے ہمیں کچھ نہیں بتایا، ذیشان ملک

مسلم لیگ نون کی نائب صدر مریم نواز کے پولیٹکل سیکریٹری ذیشان ملک کاکہنا ہے کہ کیپٹن ریٹائرڈ صفدر کی گرفتاری سے متعلق سندھ حکومت کی جانب سے ہمیں کچھ نہیں بتایا گیا۔

مریم نواز کے پولیٹکل سیکریٹری ذیشان ملک نے جیو نیوز سے بات کرتے ہوئے بتایا کہ کراچی کے مقامی ہوٹل سے کیپٹن ریٹائرڈ صفدر کو گرفتار کرکے عزیز بھٹی تھانےمیں رکھا گیا ہے اور ہمیں ان سے ملنے نہیں دیا گیا ہے۔

کیپٹن (ر) صفدر کو گرفتار کر لیا گیا، مریم نواز

صدر مریم نواز نے سوشل میڈیا پر کہا ہے کہ پولیس نے ہوٹل میں میرے کمرے کا دروازہ توڑ کر کیپٹن ریٹائرڈ محمد صفدر کو گرفتار کر لیا

پولیٹکل سیکریٹری کاکہنا تھا کہ وہ کیپٹن ریٹائرڈ صفدر کی گرفتاری کے بعد کمبل اور دیگر ضروری چیزیں دینے کیلئے عزیز بھٹی تھانے آئے مگر انہیں ملنے نہیں دیا گیا۔

ذیشان ملک نے کہا کہ کیپٹن ریٹائرڈ صفدر کو کیوں گرفتار کیا گیا ہمیں نہیں بتایا گیا، جبکہ ہم نے مریم نواز کو کیپٹن ریٹائرڈ صفدر کو عزیز بھٹی تھانے میں رکھے جانے سے آگاہ کر دیا ہے۔

کیپٹن (ر) صفدر کراچی میں گرفتار

کراچی میں تھانہ بریگیڈ پولیس نے مسلم لیگ نون کے رہنما کیپٹن ریٹائرڈ صفدر کی گرفتاری کی تصدیق کرتے ہوئے کہا ہے کہ انہیں آج عدالت میں پیش کرنے کا فیصلہ ابھی نہیں ہوا ہے۔

پولیٹکل سیکریٹری نے بتایا کہ سندھ حکومت کی جانب سے ہمیں کچھ نہیں بتایا گیا، جبکہ مریم نواز کے عزیز بھٹی تھانے آنے سے متعلق نہیں بتا سکتا۔