آپ آف لائن ہیں
منگل15ربیع الثانی 1442ھ یکم دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پی ڈی ایم میں شامل جماعتوں کا اجلاس،رابطہ مہم کیلئے سب کمیٹی قائم

کوئٹہ( پ ر) پاکستان ڈیموکریٹک موومنٹ کی سب کمیٹی برائے رابطہ مہم کا اجلاس پشتونخواملی عوامی پارٹی کے مرکزی سیکرٹریٹ میں مسلم لیگ ن بلوچستان کے سینئر نائب صدر نسیم الرحمان ملاخیل کی صدارت میںہوا۔ اجلاس میں پشتونخوامیپ کے صوبائی ڈپٹی سیکرٹری فقیر خوشحال کاسی، جمعیت علمائے اسلام ضلع کوئٹہ کے سیکرٹری بشیر احمد کاکڑ،پیپلز پارٹی کے فنانس سیکرٹری حاجی محمد انور مینگل ، عوامی نیشنل پارٹی کے صوبائی آفس سیکرٹری سمیع آغا، نیشنل پارٹی کی مرکزی کمیٹی کے رکن عبدالستار بلوچ ، قومی وطن پارٹی کے شیر محمد درانی او رروح اللہ داوی نے شرکت کی۔ اجلاس میں پی ڈی ایم کی سب کمیٹی برائے رابطہ مہم تشکیل دی گئی جو صوبے اور ضلع کوئٹہ کے وکلاء بار کونسلز، انجمن تاجران ،مختلف ایسوسی ایشنز، یونینز ، کونسلز، سوشل تنظیموں کو پی ڈی ایم کے زیر اہتمام کوئٹہ میں منعقد ہونیوالے 25اکتوبر کے جلسہ عام میں شرکت کی دعوت دینگے ۔ اجلاس میںاس بات پر زور دیا گیا کہ پی ڈی ایم میں شامل سیاسی جمہوری جماعتیں پی ڈی ایم کی مختلف سب کمیٹیوں کے اجلاس میں بروقت اپنی حاضری کو یقینی بنائیں۔اس موقع پر نسیم الرحمن ملاخیل نے کہا کہ پی ڈی ایم گوجرانوالہ اور کراچی کے عظیم الشان جلسوں کی کامیابی کا سہرا پی ڈی ایم میں شامل جماعتوں کے سیاسی کارکنوں کی محنت

کو جاتا ہے جنہوں نے اپنی صلاحیتوں کو بروئے کار لاتے ہوئے دن رات اس کیلئے محنت کی اور عوام کی شرکت کو یقینی بنایا ۔ اب 25اکتوبر کو کوئٹہ میں منعقدہونیوالے جلسہ عام کی کامیابی ہماری ذمہ داری ہے کہ ہم اس کیلئے بھرپور تیاری کریں۔ 

کوئٹہ سے مزید