مقبوضہ کشمیر: قابض بھارتی فوج نے 4 کشمیری نوجوانوں کو شہید کردیا

مقبوضہ کشمیر میں قابض بھارتی فوج کی جانب سے ریاستی دہشت گردی کا سلسلہ جاری ہے جس کے دوران مزید چار کشمیری نوجوانوں کو شہید کر دیا گیا۔

قابض بھارتی فوج نے گذشتہ رات سے جاری ضلع شوپیاں میں محاصرے کی آڑ میں دو کشمیریوں کو شہید کیا جبکہ دو کشمیریوں کو ضلع پلواما میں محاصرے کے دوران شہید کیا۔

مقبوضہ وادی کے مختلف اضلاع میں قابض بھارتی فوج کا محاصرہ اور سرچ آپریشن جاری ہے۔

دوسری جانب قابض بھارتی حکومت نے وادی کے سب سے پرانے اخبار کشمیر ٹائمز کا دفتر بغیر کوئی وجہ بتائے سیل کر دیا۔

اس حوالے سے اپنے بیان میں ’کشمیر ٹائمز‘ کی مالک انورادھا بھاسن نے کہا کہ سری نگر میں اخبار کا دفتر بغیر کسی قانون کے بند کیا گیا ہے۔