ٹرمپ اور جو بائیڈن کا آخری مباحثہ کل ہوگا

امریکا کے صدارتی امیدواروں ڈونلڈ ٹرمپ اور جو بائیڈن کے درمیان آخری مباحثہ کل ہوگا۔

صدر ٹرمپ کہتے ہیں امیدواروں کی آواز بند کرنے کا آپشن غیر منصفانہ ہے انہوں نے میزبان کو متعصب قرار دیدیا۔

امریکی صدر کا انتخاب کیسے ہوتا ہے؟

امریکا میں 3 نومبر کو صدارتی انتخاب کیلئے ووٹنگ ہوگی، امریکا میں صدر کا انتخاب براہِ راست عام ووٹر نہیں کرتے بلکہ یہ کام الیکٹورل کالج کا ہے۔

دوسری جانب ڈیموکریٹ جوبائیڈن کی حمایت میں سابق صدر اوباما نے دھواں دھار خطاب کیا ہے جس میں انہوں نے صدر ٹرمپ کو کڑی تنقید کا نشانہ بنایا ہے۔

جمائما بھی جو بائیڈن کی حامی؟

جمائما گولڈ اسمتھ آئندہ ماہ امریکا میں ہونے والے صدارتی انتخابات میں گہری دلچسپی لے رہی ہیں

دوسری جانب امریکا کے صدر ڈونلڈ ٹرمپ نے کہاہے کہ اگر انتخاب میں جو بائیڈن سے ہار گیا تو ملک چھوڑ جاؤں گا۔

جارجیا میں اپنے حامیوں سے خطاب میں صدر ٹرمپ نے کہا کہ میرا مقابلہ امریکی صدارتی انتخاب کے بدترین امیدوار جو بائیڈن سے ہے، مجھے اگر بائیڈن سے شکست ہوئی تو بالکل بھی اچھا نہیں لگے گا اور میں شاید امریکا چھوڑ جاؤں گا۔

واضح رہے کہ امریکا میں 3 نومبر کو صدارتی انتخاب کیلئے ووٹنگ ہوگی، امریکا میں صدر کا انتخاب براہِ راست عام ووٹر نہیں کرتے بلکہ یہ کام الیکٹورل کالج کا ہے۔

امریکا کا صدر بننے کے لیے کسی بھی امیدوار کو 538 میں سے 270 یا اس سے زیادہ الیکٹرز کی حمایت درکار ہوتی ہے۔