آپ آف لائن ہیں
جمعہ11؍ربیع الثانی 1442ھ 27؍نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اسلام آباد: کورونا کیسز میں اضافہ، مزید 10 گلیاں سیل

وفاقی دارالحکومت اسلام آباد میں کورونا وائرس کے پھیلاؤ کو روکنے کے لیے مزید 10 گلیاں سیل کردی گئیں۔

ڈپٹی کمشنر کے مطابق اسلام آباد میں کورونا وائرس سے متاثرین میں اضافے ہورہا ہے، دارالحکومت کے مختلف سیکٹرز کی 10 گلیاں سیل کردی گئیں۔

اسلام آباد کے ڈپٹی کمشنر کے مطابق سیکٹر ایف 11 میں گلی نمبر 46 اور 23 کو جبکہ سیکٹر جی سکس 2 کی گلی نمبر 35 کو مکمل طور پر سیل کردیا گیا ہے۔


دوسری طرف آئی ایٹ سیکٹر کی تین گلیوں، گلی نمبر 2، 3 اور 4 کو بھی سیل کردیا گیا ہے جبکہ آئی ٹین 2 اور جی الیون 2 کی بھی 3 گلیاں سیل کی گئی ہیں۔

ڈپٹی کمشنر کے مطابق دارلحکومت میں 2 نجی ہاؤسنگ سوسائٹیز کی بھی مختلف گلیاں مکمل طور پر سیل کردی گئی ہیں۔

اسلام آباد کے ڈپٹی کمشنر نے واضح کیا کہ گلیوں کو اسمارٹ لاک ڈاؤن کے ذریعے سیل کیا گیا ہے۔

قومی خبریں سے مزید