• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلام آباد، کورونا ایس او پیز پر عمل نہ کرنے پر 32ریسٹورنٹ سر بمہر

میرا شہر
اسلام آباد
11 اکتوبر ، 2020
راولپنڈی (سٹاف رپورٹر) اسلام آباد میں کورونا ایس او پیز پر عمل درآمد نہ کرنے والے 32 ریسٹورینٹس کو سیل کر دیا گیا۔وفاقی دارالحکومت میں میں ضلعی انتظامیہ کی جانب سے ایس او پیز پر عمل درآمد کے لیےانسپیکشن ٹیموں کی جانب سے شادی ہالز,تعلیمی اداروں،کاروباری مراکز اور پیٹرول پمپس کی چیکنگ کی گئی۔روزانہ کی بنیاد پر جاری انسپکشن میں خلاف ورزی پر مختلف کاروباری مراکز اور تعلیمی ادارے سیل کرکے جرمانے کئے گئے۔اس دورانکورونا ایس او پیز پر عمل درآمد نہ کرنے والے جی 11 ٹو اور جی 7 تھری میں واقع دو سکولبھی سیل کر دئیے گئے۔ڈپٹی کمشنراسلام آبادحمزہ شفقات کے مطابق ہفتہ کو173 مختلف مقامات کی انسپیکشن عمل میں لائی گئی۔اسدورانہیلتھ گائیڈ لائنز کی خلاف ورزی کرنے والی 47 دُکانیں اور ایک ورکشاپ بھی سیل کر دی گئی۔کورونا ایس او پیز پر عمل نہ کرنے والے 17 شادی ہالز کو وارننگ نوٹسز جاری کیے گئے۔مختلف کاروباری مراکز کو ایس او پیز کی خلاف ورزی پر مجموعی طور پر 78 ہزار روپیہ جرمانہ کیا گیا ۔
تازہ ترین