سینیٹ: فرانس میں گستاخانہ خاکوں کیخلاف مذمتی قرارداد منظور

فرانس میں گستاخانہ خاکوں کی اشاعت کے خلاف سینیٹ میں مذمتی قراداد متفقہ پر منظور کرلی گئی۔

قائد ایوان سینیٹر ڈاکٹر شہزاد وسیم نے مذمتی قرارداد پیش کی جس میں کہا گیا کہ حضرت محمد صلی اللّٰہ علیہ وآلہ وسلم کیلئے ہماری محبت ہمارے ایمان کا حصہ ہے۔

اس قرارداد کے متن میں کہا گیا کہ کوئی مسلمان حضرت محمدﷺ کی شان میں گستاخی برداشت نہیں کرسکتا۔

توہین آمیز خاکے: فرانسیسی حکومت سرپرستی بند کرے، طاہر اشرفی

وزیراعظم عمران خان کے نمائندہ خصوصی برائے بین المذاہب ہم آہنگی حافظ طاہر اشرفی نے کہا ہے کہ فرانسیسی حکومت کو توہین آمیز خاکوں کی سرپرستی بند کرنی چاہیے۔

اس میں یہ بھی کہا گیا کہ ایسے اقدمات مسلمانوں کے جذبات مجروح کرتے ہیں جبکہ ایسے اقدامات جب حکومتی سرپرستی میں ہوں تو مختلف مذاہب میں تقسیم پیدا ہوتی ہے۔

قرارداد میں اسلاموفوبیا کے بڑھتے رجحان اور فرانس میں حکومتی سرپرستی میں خاکوں کی اشاعت کی شدید الفاظ میں مذمت  بھی کی گئی۔

قرارداد میں مطالبہ کیا گیا کہ بین الاقوامی برادری ایسے اقدمات روکنے کے لیے اپنا کردار ادا کرے۔

اپوزیشن رہنماؤں کی فرانس میں گستاخانہ خاکے لگانے کی سخت الفاظ میں مذمت

پی ڈی ایم کے سربراہ مولانا فضل الرحمان نے کہا کہ پوری امت فرانسیسی صدر کے اس اقدام کی شدید مذمت کرتی ہے۔

سینیٹ میں گستاخانہ خاکوں کی اشاعت کے خلاف یہ قرارداد متفقہ طور پر منظور کرلی گئی ہے۔

چیئرمین سینیٹ صادق سنجرانی نے قرارداد کی کاپی دفترِخارجہ اور فرانسیسی سفیر کے حوالے کرنے کی ہدایت کردی۔