آپ آف لائن ہیں
بدھ9؍ربیع الثانی 1442ھ25؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

موٹر وے ریپ کیس: متاثرہ خاتون نے ملزم عابد ملہی کو شناخت کرلیا


موٹروے ریپ کیس کے مرکزی ملزم عابد ملہی کی شناختی پریڈ مکمل کرلی گئی۔

جیل ذرائع کے مطابق زیادتی کی شکار خاتون نے مرکزی ملزم عابد ملہی کو پریڈ کے دوران شناخت کرلیا ہے۔

لاہور سیالکوٹ موٹروے پر 9 ستمبر کو خاتون کو زیادتی کا نشانہ بنانے والا مرکزی ملزم عابد ملہی 14 روزہ کے جوڈیشل ریمانڈ پر کیمپ جیل میں ہے۔


جیل ذرائع کے مطابق زیادتی کی شکار خاتون کو شناختی پریڈ کے لیے سیکیورٹی میں کیمپ جیل لایا گیا۔

متاثرہ خاتون نے عابد ملہی کی شناخت سے بہت پہلے اس کے ساتھی ملزم شفقت کو جیل میں شناخت کرلیا تھا۔

ملزم شفقت اب جسمانی ریمانڈ پر ہے، جسے کل عدالت میں پیش کیا جائےگا۔

اس سے قبل اطلاعات آئیں تھی کہ عابد ملہی کو آج انسداد دہشت گردی کی عدالت میں پیش نہیں کیا جاسکا۔

عدالت نے ملزم کی شناختی پریڈ کے لیے مزید مہلت دیتے ہوئے جوڈیشل ریمانڈ میں 2 نومبرتک توسیع کردی تھی۔

قومی خبریں سے مزید