آپ آف لائن ہیں
ہفتہ19؍ربیع الثانی 1442ھ 5؍دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

افغان فریقین پائیدار جنگ بندی کے لیے تشدد میں فوری کمی لائیں، خلیل زاد

افغانستان میں ہونے والے حملوں پر افغان مفاہمتی عمل کے لیے امریکی نمائندہ خصوصی زلمے خلیل زاد کا کہنا ہے کہ مفاہمت کی کھڑکی ہمیشہ کُھلی نہیں رہتی، فریقین پائیدار جنگ بندی کے لیے تشدد میں فوری کمی لائیں۔

دوحا روانہ ہوتے ہوئے زلمے خلیل زاد کا کہنا تھا کہ فریقین کی جانب سے حملوں میں کمی کے عزم کے باوجود ایسا نہیں ہوا، سیاسی مفاہمت حاصل کرنے کا راستہ ہمیشہ کُھلا نہیں رہتا۔


انھوں نے کہا کہ ان حملوں میں افغان بڑی تعداد میں مر رہے ہیں اور علاقائی امن تباہ کرنے والے اپنے مذموم مقاصد کے لیے افغانوں کو استعمال کر رہے ہیں۔

زلمے خلیل زاد نے کہا کہ افغانستان میں مستقل اور جامع جنگ بندی کے لیے فریقین کے درمیان تشدد میں کمی کا معاہدہ ہونا ضروری ہے۔

بین الاقوامی خبریں سے مزید