اسلحہ کی نوک پر متعدد شہریوں سے موبائل، نقدی چھین لی گئی، لاکھوں کی چوریاں

میرا شہر

اسلام آباد

29 اکتوبر ، 2020

راولپنڈی (سٹاف رپورٹر)راولپنڈی کے مختلف علاقوں میں سرقہ باالجبر،چوری ،نقب زنی اورراہ زنی کی وارداتوں میں شہری 6گاڑیوں 16موٹرسائیکلوں ایک رکشے ،طلائی زیورات، موبائل فونز اورنقدی وغیرہ سے محروم ہوگئے ۔تھانہ وارث خان نے اسلحہ کی نوک پر موبائل فون اور 30 ہزار روپے چھین کر فرار ہو نے،تھانہ بنی نےاسلحہ کی نوک پر دراز سے ایک لاکھ 30ہزارروپے نکالنے ، دوسری واردات میں اسلحہ کی نوک پر دراز سے ایک لاکھ 20ہزار روپے چھیننے۔ تھانہ نیوٹاؤن نے اسلحہ کی نوک پر موٹرسائیکل نمبر آرآئی او6250 چھیننے، تھانہ ویسٹریج نے اسلحہ کی نوک پر موبائل اور15ہزارروپے چھیننے،تھانہ ٹیکسلا نے پستول تان کر موبائل مالیتی ڈیڑھ لاکھ روپےچھین کر فرار ہو نے،تھانہ ٹیکسلا نےمسلح افراد کی طرف سے موبائل اور25ہزار چھیننے ،تھانہ گنج منڈی نے موبائل فون چوری، دوسری واردات میں موبائل فون چھیننے،تھانہ وارث خان نے گھر سے 50 ہزار روپے ، طلائی زیورات مالیتی 8 لاکھ روپے ، انعامی بانڈز مالیتی 70 ہزار روپے چوری ،تھانہ بنی نےدکان سےپرائز بانڈ مالیتی ساڑھے چارلاکھ روپے چوری ،تھانہ بنی نے موبائل فون چھیننے ،تھانہ نیوٹاؤن نے موبائل چھیننے ،ایک اور واردات میں موبائل فون چھیننے ، تیسری واردات میں موبائل چوری، چوتھی واردات میں موبائل چھیننے جبکہ پانچویں واردات میں بھی موبائل فون چھین کر فرار ہونے، تھانہ صادق آبادنےموبائل فون مالیتی ڈیڑھ لاکھ روپے چھیننے ، دوسری واردات میں بھی موبائل فون چھیننے ، تھانہ نصیرآباد نے موبائل چھین کر فرار ہو نے،تھانہ آراے بازارنے سامان چوری،تھانہ ائرپورٹ نے 6کمپیوٹر چوری،تھانہ ائرپورٹ نے گھر کے سیف سےطلائی زیورات وزنی 14 تولے اور دو لاکھ چوری ، تھانہ ائرپورٹ نےہیرے کی انگوٹھی ، تین ہار سیٹ ،سونے کی چوڑیاں،چارانگوٹھیاں اور ایک سونے کا لاکٹ چین چوری ،تھانہ ائرپورٹ نے گھرکے تالے توڑکر6 تولے وزنی طلائی زیوراتاوردو لاکھ روپے چوری ،۔تھانہ صدربیرونی نے گھر سے روم کولر،استری،ڈیپ فریزر،جوسر مشین،سلائی مشین ،ڈیڑھ تولے تولہ سونا اور دیگر سامان چوری کے مقدمات درج کر لئے۔

تازہ ترین