آپ آف لائن ہیں
بدھ9؍ربیع الثانی 1442ھ25؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ناکام ٹولہ جوانوں کا مورال تباہ کرنے کی سازش کررہا ہے، مراد سعید

وفاقی وزیر برائے مواصلات مراد سعید کا کہنا ہے کہ سیاست میں ناکام بیانیے کا ٹولہ جوانوں کا مورال تباہ کرنے کی سازش کررہا ہے، پوری دنیا نے جارحیت پر آمادہ بھارت کو پاک فضائیہ کے ہاتھوں رسوا ہوتے دیکھا، جبکہ ملکی سلامتی پر کوئی سمجھوتا ممکن ہے نہ کسی کو اس سے کھیلنے دیں گے۔

مراد سعید نے ایاز صادق کے بیان پر رد عمل دیتے ہوئے کہا کہ اندرونی و بیرونی خطرات کے سامنے پوری قوم یکجا اور سیسہ پلائی دیوار ہے، اسٹریٹجک معاملات قومی مشاورت کے مربوط نظام کے تحت طے کیے جاتے ہیں۔


انہوں نے کہا کہ حساس موضوعات و معاملات پر جعلی انکشافات شرمناک اور قانون کی خلاف ورزی ہیں، ضمیر فروش وطن فروشی پر آمادہ ہیں مگر قوم بیدار اور ہم متحرک ہیں۔

مراد سعید نے کہا کہ یہ جانتے ہیں کہ عوام ان کے ہاتھوں بے وقوف بننے کو تیار نہیں ہیں۔

قومی خبریں سے مزید