میرے نام سے منسوب جعلی ٹوئٹر اکاؤنٹ کو رپورٹ کریں، ثنا جاوید

حال ہی میں معروف گلوکار عمیر جسوال کے ساتھ رشتۂ ازدواج میں منسلک ہونے والی خوبرو اداکارہ ثنا جاوید نے اپنے نام سے منسوب جعلی ٹوئٹر اکاؤنٹ کو رپورٹ کرنے کی اپیل کی ہے۔

سوشل میڈیا سائٹ انسٹاگرام پر ثنا جاوید نے اپنے مداحوں کو ایک اہم اطلاع دیتے ہوئے اسٹوری میں اپنے نام سے منسوب جعلی ٹوئٹر اکاؤنٹ کا اسکرین شاٹ شیئر کیا ہے۔

ثنا جاوید نے اپنی انسٹا اسٹوری میں مداحوں سے اپیل کرتے ہوئے کہا کہ ’مہربانی کرکے اس ٹوئٹر اکاؤنٹ کو رپورٹ کریں کیونکہ یہ میرا اکاؤنٹ نہیں ہے۔‘

اداکارہ نے اپنے پیغام میں لکھا کہ ’کوئی اُن کے نام کا غلط استعمال کرکے سیاست سے متعلق نامناسب ٹوئٹ کر رہا ہے اور افسوس کی بات یہ ہے کہ سینئر صحافی تصدیق کیے بغیر اُن جعلی ٹوئٹس کو ری ٹوئٹ بھی کر رہے ہیں۔‘

’عمیر سیلفی سے پیٹ بھر لو‘

مقبول ترین ڈرامہ سیریل ’خانی‘ سے شہرت پانے والی نامور اداکارہ ثنا جاوید اور گلوکار عمیر جسوال نکاح کے بعد سیر سپاٹوں پر نکل گئے جس کی تصویریں سوشل میڈیا پر وائرل ہوگئی ہیں۔

اُنہوں نے مزید لکھا کہ ’جتنا جلدی ہوسکے اس جعلی ٹوئٹر اکاؤنٹ کو رپورٹ کریں۔‘

ثنا جاوید نے اپنے آفیشل ٹوئٹر اکاؤنٹ کے بارے میں بتایا کہ ’میرے آفیشل ٹوئٹر اکاؤنٹ کی لنک انسٹاگرام کی بائیو میں ہے۔‘

ثنا جاوید کیلئے جان کون دے سکتا ہے؟

گزشتہ دنوں معروف گلوکار عمیر جسوال کے ساتھ رشتۂ ازدواج میں منسلک ہونے والی نامور اداکارہ ثنا جاوید کے بھائی عبداللّہ جاوید کا کہنا ہے کہ وہ اپنی بہن سے اس قدر محبت کرتے ہیں کہ اُن کے لیے جان بھی دے سکتے ہیں۔

واضح رہے کہ گزشتہ دنوں ثنا جاوید اور گلوکار عمیر جسوال نے اپنی شادی کی تصویر شیئر کرکے مداحوں کو خوشگوار حیرت میں مبتلا کردیا تھا۔

شوبز جوڑی کی شادی کی تقریب کراچی کے مقامی ہوٹل میں منعقد کی گئی جس میں قریبی رشتے داروں نے شرکت کی۔